Ministr Fidannıñ Amerika Quşma Ştatlarındağı oçraşuları
Törkiyä Tışqı êşlär ministrı Xaqan Fidan Amerika Quşma Ştatlarınıñ N’yu-York (Нью-Йорк) qalasında Germaniya tışqı êşlär ministrı Annalena Barbok belän oçraştı
Berläşkän Millätlär Oyışmasınıñ 78nçe Ğomum şurası (General’ assambleyası) öçen N’yu-Yorkta (Нью-Йоркта) bulğan Fidan tığız diplomatiya êşçänlegenä başladı.
Fidan BMO Ğomum şurası (General’ assambleyası) qısalarında Berbok belän “Törek yortı (йорты)” binasında küreşep söyläşte.
Tışqı êşlär ministrlığı tarafınnan “X" sośial (социаль) media platformasınnan urtaqlaşılğan yazmada söyläşü waqıtında Törkiyä belän Awrupa Berlege arasında Tamğaxanä (tamojnya) berlegeneñ yañartıluı häm törek watandaşlarınıñ vizadan azat itelüe prośessı (процессы) belän bergä Törkiyäneñ Awrupa Berlegenä äğ’za bulu barışı, Kipr mäs’äläsendäge soñğı täräqqıyätlär, Qara diñgez aşlıq kereşüe (инициативасы), Şveśiyanıñ (Швециянең) NATO äğzalege barışı häm klimat üzgäreşläre mäs’äläläreneñ quzğatıluı iskärtelep uzıldı.
Fidan N’yu-Yorkta (Нью-Йоркта) İrlandiya Baş ministr urınbasarı, tışqı êşlär häm saqlanu ministrı Mixol Martin belän dä küreşep söyläşkän ide.
Söyläşü waqıtında ike yaqlı mönäsäbätlär häm üzara yuğarı däräcäle säfärlär, Qara diñgez aşlıq kereşüe, Kipr mäs’äläsenä qağılışlı soñğı täräqqıyätlär belän Törkiyä-Awrupa Berlege mönäsäbätärenä tuqtalıp uzıluı belderelde.
