Türkiyä (Төркия) häm Angliyä tışqı êşlär ministrları oçraştı

Türkiyä (Төркия) tışqı êşlär ministrı Xaqan Fidan Ğıyraq, Berläşkän Ğaräp Ämirlekläre, Törkiyä häm Qatarnıñ Törkiyä –Ğıyraq üseş yulı proyektı mäs’äläsendä tığız söyläşülär alıp baruın belderde. Ul Angliyä tışqı êşlär ministrı Djeyms Kleverli belän başqala Änkarada oçraşqannan soñ urtaq matbuğat cıyılışında çığış yasadı.

Fidan ingliz wazıyfadaşı belän ike il arasındağı mönäsäbätlär turında külämle fiker alışuların belderde. Alar, şulay uq, Kipr mäs’äläse, Ukrainadağı suğış häm Süriyä temaların da quzğatqan. Xaqan Fidan älege oçraşu turında bolay dip söyläde:

“Kiprda garant-däwlät bularaq Böyıkbritannıñ ähämiyätle urını bar. Monıñ belän bäyle mäs’älälär häm soñğı çorda utrawda kilep çıqqan waqıyğalarğa tulı bäyä birü mömkinlegebez buldı. Ukrainadağı suğış belän bäyle räweştä Qara diñgez aşlıq iniśiativasına qabat can örü öçen tırışuıbız kön tärtibendä ide.  Global’ cawaplılıq añlayışı belän anı tormışqa aşıru kiräklege mäs’äläsendä bez ber ük fikerdä”.

Fidan Şveśiyäneñ (Швециянең) NATOğa kerüe prośessı turındağı sorawğa da cawap birde.

“Törkiyä 2020nçe yılğı Madrid sammitında häm 2023nçe yılğı Vil’nyus NATO sammitında tözelgän kileşülärgä tuğrı. Anda sızılğan yul kartaları, yaqlardan kötelüçe burıçlar bilgele. Älege mäs’älädä êş alğa taba bara,”-dide ul.  

Angliyä tışqı êşlär ministrı Djeyms Kleverli isä jurnalistlar qarşında çığış yasap, bolay dide: “Törkiyä bezneñ öçen, Böyekbritaniyä (Бөекбритан) öçen alıştırğısız partnyor”. Ul Törkiyäneñ Qara diñgez aşlıq iniśiativasın qabat başlaw mäs’äläsendäge tırışlıqların maqtap telgä aldı. Kleverli Böyekbritaniyä (Бөекбритан) belän Törkiyä mönäsäbätläreneñ bik ähämiyätle buluın assızıqladı.