Ärdoğan: “Bu oçraşunıñ böten dönyada yuğarı bäyälänelüenä ışanam”

Törkiyä Däwlät başlığı Ärdoğan başqala Änkarada İlbaşı qolliyätendäge Kabinet cıyılışınnan soñ millätkä möräcäğät itte.

Ärdoğan, monnan aldağı könne Soçida Rusiyä İlbaşı Vladimir Putin belän şaqtıy kiñ qırlı häm näticäle oçraşu uzdıruların belderep: "Rusiyä-Ukraina suğışı däwam (дәвам) itkän, aşlıq koridorı belän ber rättän bik küp humanitar kön tärtibe bulğan şuşı çorda bu oçraşunıñ qıymmäteneñ böten dönya tarafınnan yuğarı bäyälänelüenä ışanam”, - dip äytte.

Ğıyraqtağı häm Süriyädäge täräqqıyätlär belän dä bäyle bularaq Ärdoğan: "Töbäktäge aktyorlar bulmasın, töbäktän çittäge aktyorlar bulmasın, iñ berençe çiratta şuşı tarixi xaqıyqätlärne qabul itärgä tiyış. Ğıyraq belän Süriyäne dä üz êçenä alğan geografiyanıñ ber meñ yıllıq, 1 meñ 500 yıllıq demografik çınbarlıqlarnı iğ’tibarğa almağan hiçber ğamälneñ töbäktä uñışlı bulu mömkinlege yuq”, - dip belderde.

Ärdoğan Süriyädä Amerika Quşma Ştatların küp tapqır separatist terror oyışması belän xezmättäşlek urnaştırmawnı, bu räweşle xäräkät itüne däwam (дәвам) ittergän oçraqta kiläçäktä häm üz mänfäğätläre häm dä töbäk zarar küräçäk dip kisätülären, soñğı könnärdä yäşängän waqıyğalarnıñ borçılularınıñ häm kisätüläreneñ döreslegen açıqtan-açıq kürsätüen iskärtep uzdı.