İstanbulda Törki däwlätlär oyışmasınıñ räsmi bulmağan cıyılışı
Törki däwlätlär oyışmasına äğ’za illärneñ Däwlät başlıqlarınıñ tışqı säyäsät mäs’älälärendäge urınbasarları belän kiñäşçeläreneñ räsmi bulmağan cıyılışı İstanbulda ütkärelde
Azärbaycannıñ kereşüe (инициативасы) belän İstanbuldağı Törki däwlätlär oyışması sekretariatı binasında oyıştırılğan cıyılışta Törki däwlätlär oyışmasına äğ’za illärneñ wäkillekläre (делегацияләре) belän bergä sekretariat räsmiläre qatnaştı.
Cıyılışta, äğ’za däwlätlär arasında säyäsi, iq’tisadi häm humanitar ölkälärdä tağın da kübräk xezmättäşlekkä toyılğan ixtıyac telgä alınıp, Törki däwlätlär oyışması êşçänlegeneñ üsterelüenä tuqtalıp uzıldı.
Monnan tış qatnaşuçılar, Qazaqstannıñ qabul itelüendä uzdırılaçaq Törki däwlätlär oyışmasınıñ 10nçı sammitın oyıştıru êşläre belän bäyle mäs’älälärne quzğatıp, yuğarı däräcäle oçraşu waqıtında qul quyılaçaq dokumentlarnıñ törki dönyadağı mönäsäbätlärneñ nığıtıluı häm urtaq maqsatlarnıñ alğa kiteşe cähätennän möhimlegenä basım yasadı.
Söyläşülär waqıtında ayıruça xalıqara häm regional’ oyışmalar belän xezmättäşlekneñ kiñäytelüe mäs’äläse quzğatıldı.
Bäyläneşle xäbärlär
Terrorçılıqqa qarşı köräş däwam itä
Süriyäneñ tön’yağında 3 “PKK/YPG”le terrorçı täêsirsez xälgä kiterelde
