Yılmaz Awrupa Berlege wäkillege (делегациясе) başlığın qabul itte
Törkiyä İlbaşı urınbasarı Yılmaz Awrupa Berlegeneñ Törkiyä delegaśiyäse (делегциясе) başlığı, tulı wäqalätle ilçe Nikolaus Meyer-Landrut häm yanındağı wäkillekne qabul itte
Yılmaz başqala Änkarada İlbaşı qolliyätendäge qabul itü belän bäyle bularaq sośial media akkauntınnan yasağan belderüendä söyläşü waqıtında Törkiyä-Awrupa Berlege mönäsäbätläre belän bergä global’ häm regional’ täräqqıyätlär turında fiker alışuların citkerde.
Törkiyä-Awrupa Berlege mönäsäbätläreneñ nigezle, küp yaqlı buluına häm barı tik Törkiyä häm Awrupa Berlege öçen genä tügel, ber ük waqıtta töbäk öçen dä bik möhim buluına basım yasawçı Yılmaz bolay dip äytte:
"Bu wazğıyätneñ iñ anıq çağılışın Rusiyä-Ukraina suğışında tağın ber märtäbä kürdek. Törkiyä bularaq Awrupa Berlege belän mönäsäbätlärebezgä qağılışlı säyäsi kirtälärneñ tiz arada beterelüenä, mönäsäbätlärebezne yañadan tizlätep cibärügä häm struktural’ dialog mexanizmnarın daimi açıq totuğa bik zur ähämiyät biräbez.
Tamğaxanä (tamojnya) berlegeneñ yañartıluı häm Vizadan azat itelüe dialogınıñ tizlätelüe bu barıştağı möhim kön tärtibe mäddälärebezne täşkil itä. Awrupa Berlege belän Törkiyä arasındağı yaqın finans xezmättäşlegeneñ arttırıluın häm kiñäytelüen dä şulay uq Awrupa Berlegenä quşılu barışınıñ töp êlementı bularaq küräbez.
Awrupa Berlege belän ike yaqlı xezmättäşlegebez yäşel üzgäreş, sanlaşu, totrıqlı şähär transportı häm çista ênergiya kebek ölkälärdä yaña forsatlarğa mömkinlek biräçäk".
