Törkiyä tışqı êşlär ministrı Fidan Rusiyädä

Söyläşüdän soñ oyıştırılğan matbuğat oçraşuında ministr Fidan, Qara diñgez aşlıq iniśiativası (инициативасы) mäs’äläsenä tuqtalıp uzıp:

"İlebezneñ öleş kertüe belän Berläşkän Millätlär Oyışması yaña täq’dim paketın äzerläde. Monıñ iniśiativanıñ (инициативаның) canlandırıluında yaraşlı nigez täşkil itüen uylıybız.

Qara diñgez aşlıq kereşüe mäs’äläsendä êşçänlegebez däwam (дәвам) itäçäk, bu kileşü häm dönya azıq-tölek qurqınıçsızlığı öçen häm dä Qara diñgezneñ totrıqlılığı häm tınıçlığı öçen bik möhim”, - dip äytte.

Fidan ayıruça oçraşuları qısalarında irtägä Rusiyä saqlanu ministrı Sergey Şoygu belän küreşep söyläşäçägen belderde.

Lavrov ta, Rusiyä aşlığınıñ êksportı belän bäyle bularaq Könbatışnıñ üz süzen totmawın belderep: "Berläşkän Millätlär Oyışması belän tözelgän paket kileşüdäge şartlarıbız ütälgän oçraqta bez aşlıq kileşüenä kire qaytaçaqbız”, - dide.

Sergey Lavrov: "Könbatış illäreneñ şikle omtılışlarına qaramastan bez Törkiyäneñ tışqı säyäsäten yuğarı bäyälibez”, - dip iskärtep uzdı.