Ärdoğan: “Millätebez belän bergä maqsatlarğa taba barabız”

Ärdoğan İlbaşı qolliyätendä "30nçı avgust Ciñü bäyräme maxsus konśertı (концерты) häm 100nçe yıl marşın tanıtu” çarasında qatnaştı.

İlbaşı Ärdoğan: "Töbägendäge krizislarnıñ çişeleş adresı, iminlegenä häm mullığına yanawçı qurqınıçlıqlarnı betergän, köçen duşları belän urtaqlaşuçı Törkiyäneñ kütärelüe, üseşe däwam (дәвам) itäçäk”, - dip äytte.

"Bügenge köndä Törkiyä Cömhüriyäte däwläte çirek ğasır, yartı ğasır, ber ğasır äwwälgesennän säyäsi, iq’tisadi, xärbi mömkinlekläre belän tağın da köçleräk häm tağın da alğa taba kitkän”, - dip äytüçe Ärdoğan:

"Dön’yanı abaylap toruçı, Törkiyäneñ çın potenśialın belüçe, iyä bulğannarnıñ ähämiyäten añlawçı millätebez belän bergä maqsatlarğa taba adım adım alğa baraçaqbız”, - dip belderde.

Şul arada programmada İlbaşı idaräseneñ êlemtä räislege tarafınnan 100nçe yıl marşı öçen oyıştırılğan bäygedä däräcägä kerüçelärgä häm jyuri maxsus bülägenä layıq bulğan äsärlärneñ avtorlarına büläklärne İlbaşı Ärdoğan täq’dim itte.

Berençe urın alğan, süzlären İlkär Kömürcü, muzıkasın İlbaşı idaräse simfoniya orkestrı yazğan äsär bik zur iğ’tibar kürde.

Çara qısalarında 1 meñ 200 dron belän kük yözenä "30nçı avgust Ciñü bäyräme” häm "Törkiyä ğasırı” yazuları belän “Törkiyä kartası”, “Törek bayrağı", "Cömhüriyätneñ 100 yıllığı logotipı” sürätläre çağıldırıldı.