Kurtulmuş: “Ciñü bäyrämeneñ ğorurlığın yäşibez”
Törkiyä Böyık Millät Mäclese Başlığı Numan Kurtulmuş 30nçı avgustnıñ törek milläte öçen watan mäxäbbäte belän yañadan tuunıñ, bu cirlärdä mäñge irekle itep yäşäwneñ köne buluın belderde
Kurtulmuş sośial (социаль) media akkauntınnan urtaqlaşqan yullamasında 30nçı avgust Ciñü bäyrämeneñ 101 yıllığına ireşüneñ xaqlı däräcäsen häm ğorurlığın yäşäwlären äytte.
30nçı avgust ciñüen qotlawçı Kurtulmuş bolay dide:
"30nçı avgust - watan, bayraq, kiläçäk, azan öçen hiç uylamıyça “Bäysezlek yäki ülem” dip äytüçe ata-babalarıbıznıñ batırlıq dastanı, bäysezlek bilgese. 30nçı avgust – bezneñ öçen watan mäxäbbäte belän yañadan tuunıñ, bu cirlärdä mäñge irekle itep yäşäwneñ köne. Allağa şöker, tarixnıñ hiçber çorında äsirlekne qabul itmäwçe millätebezneñ ber ğasır êlek böten dönyağa kürsätkän şuşı däräcäle totışı – bügen “köçle häm böyık Törkiyä” yulındağı berdänber tayanıçıbız häm ilham çığanağıbız. Şuşı ğorurlıq könendä zur höcümneñ särğaskäre Gazıy Mostafa Kemal’ Atatörekne, qaharman qoral iptäşlären häm axırğaça bu cirlärne bezgä watan itep qılğan böten şähitlärebezne xörmät häm räxmät belän iskä alam”.
