Ärdoğannıñ 30nçı avgust yullaması

İlbaşı Ärdoğan 30nçı avgust Ciñü bäyrämeneñ 101 yıllığı mönäsäbäte belän qotlawnamä bastırdı.

30nçı avgust särğaskär mäydan suğışınıñ törek milläteneñ ğasırlar buyı alıp barğan isän qalu köräşeneñ iñ kritik borılış noqtalarınnan berse buluın belderüçe Ärdoğan: "Gazıy Mostafa Kemal’ Atatörekneñ süzläre belän 30nçı avgust ciñüe “Törek ğaskäreneñ, törek ofiśer häm komandalık citäkçelegeneñ yuğarı köçen häm batırlığın tağın ber qat tarixta bilgelängän bik zur äsär”, - dip äytte.

"Törek milläteneñ irek häm bäysezlek töşençäseneñ ülemsez yadqare" bulğan şuşı ciñü belän millätneñ ixtıyar köçeneñ buysındırılmayaçağın, bäysezlegenä häm kiläçägenä zıyan kiterelmäyäçägen böten dönyağa iğ’lan itüenä basım yasawçı Ärdoğan:

"Millätebezneñ iñ möhim sıyfatı bulğan xörriyätne yaratuı bügen dä barlığın bik köçle räweştä däwam itterä. 2016nçı yılnıñ 15nçe iyül’däge  FETO tüntäreleş omtılışı ihanätenä qarşı kürsätelgän legendar qarşılıq kürsätelüe belän bergä soñğı yıllarda yäşäwebezgä yünältelgän höcümnärgä millätebezneñ birgän cawabı bu iradäneñ, ixtıyarnıñ da ni qadär tere häm ğamäldä buluın küp tapqırlar kürsätte”, - dip beldrede.

Ärdoğan: "Bez aldıbızdağı çorda yasayaçaq yaña adımnar belän ilebezneñ köçenä köç östäyäçäkbez, Törkiyäne zamanca śivilizaśiyälär (цивилизацияләр) däräcäseneñ östenä çığartaçaqbız”, - dide.

Ärdoğan yullamasında Cömhüriyätkä nigez saluçı, zur höcümneñ särğaskäre Gazıy Mostafa Kemalne häm qoral iptäşlären räxmät belän iskä alıp: "Böten şähitlärebezne häm ğazıylärebezne Allahnıñ yarlıqawı belän iskä alam. 30nçı avgust Ciñü bäyrämebez qotlı bulsın”, - dip äytte.