Tatar Törkiyäneñ Ğomum ştab başlığın qabul itte

Tön’yaq Kipr Törek Cömhüriyäte İlbaşı idaräsennän yasalğan belderügä kürä, Lefkoşada uzğan söyläşü waqıtında Tatar, Tön’yaq Kipr Törek Cömhüriyäteneñ tözergä telägän Pilä-Yiğitlär yulına qarata Berläşkän Millätlär Oyışması kürsätkän reakśiyägä (реакциягә) tuqtalıp uzıp: "Pilot Cängiz Topäl üterelgän çaqta häm awıllarda töreklär üterelgän suyışlar yasalğan çaqta Berläşkän Millätlär Oyışması qayda ide?", - dip soradı.

Tatar, Pilädäge watandaşlarnıñ zarların ciñeläytü häm humanitar maqsat öçen yul salırğa teläwlären citkerep, Kipr greklarınıñ Pilädä yul, bina häm universitet tözüen, läkin töreklär yul salırğa telägäç, reakśiya (реакция) kürsätelüen, biredä ikelätä standart barlığın iskärtte.

İlbaşı Tatar qarşı yaqnıñ maqsatınıñ, Pilädäge törek xalıq sanın kimetep, qatnaş awılnı tulısınça grek awılına äyländerü buluın äytte.

Könçığış Urta diñgezdä törek däwläte bulğan Tön’yaq Kipr Törek Cömhüriyäteneñ zäñgär watanda neft’, tabiğıy gaz häm başqa iminlek mäs’äläläre belän statusınıñ kütärelüen äytep uzuçı Tatar Kiprda kileşü bulğan oçraqta Tön’yaq Kipr Törek Cömhüriyäteneñ kileşüneñ öleşe bulaçağına basım yasadı.

Tatar Kipr törekläreneñ artında Törkiyä belän törki dönyanıñ buluın, Tön’yaq Kipr Törek Cömhüriyäteneñ Törki däwlätlär oyışmasına küzätüçe äğ’za bulğannan soñ statusınıñ kütärelüen dä iskärtep uzdı.

Ğomum ştab başlığı Gürak ta qabul itü waqıtında yasağan çığışında "Törkiyä öçen Kiprnıñ milli däğwa buluına” basım yasap, härwaqıt Kipr törekläre belän bergä buluların, Kipr törek xalqınıñ yanında bulırğa däwam (дәвам) itäçäklären häm xaqlı däğwanı yaqlawların belderde.

Gürak Pilädä tulısınça humanitar ixtıyaclar belän başlatılğan yul salu êşçänlegenä qarşı BMO Tınıçlıq köçe kürsätkän tarafsızlıq nigezenä tiskäre totışınıñ qabul itelmäslek buluın äytte.

Ayıruça Gürak Limasolda Küperle Hacı İbrahim Ağa mäçetenä yasalğan cirängeç höcümne kisken gäyıpläwlären bilgeläp uzdı.