Ministr Fidannıñ Ğıyraqtağı oçraşuları

Ministr Fidan 3 könlek Ğıyraq säfäreneñ soñğı könendä Ärbildä oçraşular ütkärä.

Fidan Ğıyraq Körd regional’ citäkçelege başlığı Näçirvan Barzani belän Ärbildä küreşte.

Törkiyä tışqı êşlär ministrı annan soñ Ğıyraq Körd regional’ citäkçelege baş ministrı Mäsrur Barzani belän oçraştı.

Söyläşüdän soñ urtaq matbuğat oçraşuında çığış yasawçı Fidan terrorçılıq belän köräştä xezmättäşlekkä basım yasadu.

Ministr Fidan: “Terror bälasınnan qotılu öçen bez başqaraçaq äle küp êş bar. Beläsez, Törkiyädä bu mäs’äläne zur külämdä xäl ittek. Xäzerge waqıtta Ğıyraq cirlärendä “PKK” terrorçılığı üzen yäşerä. Bu virusnı, inşallah, Ğıyraqtan da bergäläp çistartaçaqbız”, - dip äytte.

Fidannıñ programmasında “Kördistan Demokrat” partiyası ğomum başlığı Mäsut Barzani belän dä oçraşuı bar.

Tulısınça matbuğatqa yabıq bulğan söyläşülärdä ike yaqlı mönäsäbätlärneñ üsterelüe, xezmättäşlekneñ täşviq itelüe, iq’tisadi urtaqlıqnıñ alğa taba alıp barıluı häm terrorçılıq belän urtaq köräş mäs’äläläre quzğatıla.

Ministr Fidan 22nçe-24nçe avgust könnären üz êçenä alğan Ğıyraq säfäreneñ berençe könendä başqala Bağdatta Ğıyraq tışqı êşlär ministrı Fuad Xösäyın belän küreşep söyläşkän ide.

Fidan kiçä dä Ğıyraq İlbaşı Abdullatif Räşit häm Ğıyraq Baş ministrı Möxämmäd Şiya äs-Sudani tarafınnan qabul itelgän, Ğıyraq Parlamentı başlığı Möxämmäd Halbusi, Malayziya tışqı êşlär ministrı Zambri Abdul Kadir, “Ğıyraq Törekmän frontı” liderları häm Ğıyraq törekmän cämğıyäteneñ liderları, Ğıyraq Möstäqıyllek ittifaqı citäkçese Hamis Hançär, “Fätih İttifaqı” liderı Hadi Amiri, “Milli xikmät ağımı” liderı Ammar äl-Xäkim häm êlekke baş ministr häm “Qanun däwläte” koaliśiyası liderı Nuri äl-Maliki, “Haşdi Şabi” komissiyası başlığı Falih äl-Fäyyad belän oçraşqan ide.