Fuat Oktay AQŞ Wäkillär palatası äğ’zaläre belän küreşte
Törkiyä Böyık Millät Mäcleseneñ tışqı êşlär komissiyası başlığı Fuat Oktay Amerika Quşma Ştatları Wäkillär palatası äğ’zaläre öçen töşke aş mäclesen oyıştırdı
2028877
Başqala Änkarada parlamentnıñ tantana zalında oyıştırılğan aş mäclesendä AQŞ delegaśiyäsennän (делегациясеннән) Wäkillär Palatası äğ’zaläre Djo Wilson, Dean Fillips, Viktoria Spartz belän Amerika Quşma Ştatlarınıñ Änkara ilçelege räsmiläre qatnaştı.
Aş mäclese jurnalistlarnıñ sürätkä töşergännän soñ matbuğatqa yabıq ütkärelde.
Alınğan mäğ’lümatkä kürä, aş mäclesendä Törkiyä belän Amerika Quşma Ştatları arasındağı mönäsäbätlär, parlamentlarara êlemtälärneñ ähämiyäte belän “PKK/YPG” terror oyışmaları häm (FETO) “Fätullahçı” terror oyışması belän ber rättän säwdä mönäsäbätläre, NATO, iminlek, saqlanu sänäğäte kebek mäs’älälär häm regional’ problemalar söyläşelde.
