""PKK"nı terror oyışması itep tanuların kötäbez"

Törkiyäneñ tışqı êşlär ministrı Xaqan Fidan Ğıyraq tışqı êşlär ministrı Fuad Xösäyın belän Ğıyraq başqalası Bagdatta Tışqı êşlär ministrlığındağı söyläşüennän soñ oyıştırılğan matbuğat oçraşuında çığış yasadı.

Ğıyraqlı wazifadaşı belän uzğan söyläşüdä kiñ qırlı mäs’älälärne qarawların beldergän törek ministrı bolar arasında terrorçılıqqa qarşı köräşneñ buluın açıqladı.

"PKK"nıñ Sincar, Mahmur, Kandil häm Sökäymaniyä belän ber rättän küp kenä Ğıyraq awılın basıp aluına iğ'tibarnı cälep itkän ministr Fidan terror oyışmasınıñ Süriyä häm Ğıyraq arasındağı çiklärne iğtibarsız qaldırıp, qorğan terror koridorı belän bu ike töbäkne berläşterergä tırışuın citkerde.

Ministr Fidan Törkiyäneñ terrorçılıqqa qarşı köräştä Ğıyraq belän bergä êşlärgä äzer buluın assızıqlap bolay dide: “İmperial’ köçlärneñ qoralına äylängän "PKK"ğa qarşı Ğıyraqlı qardäşlärebezneñ köräşen här däräcädä xuplıybız. Şulay uq Ğıyraqtan duslıq häm qardäşlek öçen "PKK"nı räsmi räweştä (рәвeштә) terror oyışması itep tanuların kötäbez. Bez iseme nindi bulsa da, "PKK" yäisä "DEAŞ", Ğıyraqnıñ cir bötenlegenä, säyäsi berlegenä yanawçı (янaучы), Ğıyraqlı qardäşlärebezneñ totrıqlılıq häm mullığına küz saluçı, keşelek cinayäten başqaruçı härtörle terror oyışmasına qarşı köräştä Ğıyraq belän bergä êşçänlek başqarırğa äzer.”