Bolgariya Törkiyäneñ Awrupa yulındağı kereşüen xuplıy

Başqala Änkarağa kilgän Gabriel Törkiyä Tışqı êşlär ministrı Xaqan Fidan belän ministrlıqtağı söyläşüennän soñ oyıştırılğan urtaq matbuğat oçraşuında çığış yasadı.

Säfäreneñ bik möhim çorda yasaluına iğ’tibarnı yünältüçe Mariya Gabriel: "Söyläşüebez waqıtında bik anıq itep strategik häm urtaq mänfäğätlärne qızıqsındırğan mäs’älälärne quzğattıq. Älbättä, kürşe illär häm NATO äğ’zaläre, partnyorı bularaq Törkiyä häm Bolgariya bar närsädän êlek Qara diñgez töbägendä iminlekneñ täêmin itelüe häm saqlanuı öçen cawaplı”, - dip belderde.

Gabriel Törkiyäneñ Awrupa Berlege äğ’zalege barışı belän bäyle bularaq: "Törkiyä Awrupa Berlege äğ’zalege barışında. Bolgariya da äğ’za bularaq Änkaranıñ Awrupa yulındağı şuşı kereşüen, iniśiativasın (инициативасын) yaqlıy”, - dip äytte.

Gabriel, (Törkiyädä) Awrupa missiyası qısalarında bik matur êşçänlek alıp barıluın belderep, uñay ürnäklärne häm uñışlı xikäyälärne kürsätäçäklären iskärtep uzdı.