Ärdoğan: “Bez Ukrainanıñ cir bötenlegen yaqlawçı totışıbıznı saqlıybız”

Törkiyä İlbaşı Räcäp Tayyip Ärdoğan 3nçe Qırım platforması liderlar sammitına video yullama cibärde.

Çığışın Ukraina İlbaşı Volodimir Zelenskiyne, däwlät häm xökümät başlıqların, qırım tatarlarınıñ milli liderı Ukraina xalıq ışanıçlısı Mostafa Qırımoğlunı, qırım tatar qawemdäşlären häm başqa qatnaşuçılarnı sälamläp başlağan Ärdoğan Qırım platformasınıñ öçençe sammitına video yullama ısulı belän bulsa da möräcäğät itüdän bik şat buluın äytte.

Ärdoğan, şuşı forsattan faydalanıp, Ukrainanıñ Bayraq könen häm Bäysezlek könen täbrik itep, Qırım däğ’wasın tınıç yullar belän tağın da täêsirle räweştä (рәвeштә) yaqlaw maqsatınnan çığıp tözelgän bu platformanıñ Qırım mäs’äläsendä birergä telägän yullamalarğa köç östäyäçägenä ışanuına basım yasadı.

İlbaşı Ärdoğan süzlärenä bolay dip däwam (дәвам) itte:

"Qırımnıñ anneksiyäsen tanımawçı (тaнымaучы) Törkiyä bu adımnıñ legal’ bulmawın berençe könnän birle qatğıylıq belän yaqlarğa däwam (дәвам) itä. Ukrainanıñ cir bötenlegen häm suverenlığın yaqlawçı totışıbıznı da saqlıybız. Qırımnıñ Ukrainanıñ öleşe buluın Berläşkän Millätlär Oyışması belän bergä här platformada telgä alabız. Qırımnıñ cirle xalıqlarınnan bulğan qırım tatar qawemdäşlärebezneñ qurqınıçsızlığınıñ häm isänlegeneñ täêmin itelüe dä prioritetlarıbız arasındadır.

Bu uñaydan saq astında totılğan Qırım Tatar Milli Mäclese başlığı urınbasarı Näriman Cälal häm iptäşläreneñ irekkä cibärelüenä qağılışlı kötkännärebezne qabatlıym. Gel äytkänem kebek suğışta qazanuçı, tınıçlıqta yuğaltuçı bulmıy. Bu añlayış belän yaqınça ike yıl däwam (дәвам) itüçe suğışnıñ ğadel häm daimi tınıçlıq belän beterelüe zarurlığına bulğan fikerebezne saqlap kiläbez. Bu barışta qoyılğan qannıñ tuqtatıluı, kim digändä taraflarnıñ söyläşülär östälenä äzerlänüe öçen êlemtä kanallarınıñ açıq totıluı öçen tığız tırışlıqnı sarıf itäbez".

Qara diñgez iniśiativasınıñ (инициативасының) canlandırıluı öçen êşçänlekne alıp baruların, bu barışta kiyırenkelekne tağın da arttıraçaq häm Qara diñgezdäge tınıçlıqqa zarar biräçäk härtörle adımnan tıyılıp torunıñ zarurlığına ışanuların belderüçe Ärdoğan bolay dip iskärtep uzdı:

"Bez tınıçlıqnıñ urnaştırıluı qısalarında ciñeläytü häm aradaşçılıq tırışularıbıznı armıy-talmıy däwam (дәвам) itterüdä täwäkkäl. Suğışnıñ tuqtatıluı häm Qara diñgez mäydanınıñ yañadan xozurğa häm totrıqlılıqqa qawışuı barı tik töbäkkä genä tügel, böten dönyağa sulış biräçäk. Qırım belän bergä Ukrainanıñ cir bötenlegen yaqlawıbıznı qabatlıybız, töbägebezneñ iñ qısqa waqıtta qabat tınıçlıq atmosferasına qawışuına ışanam".