Ministr Kacır: “Törkiyä böten G20 illäre belän êşlärgä äzer”
Sänäğät häm texnologiya ministrı Mäxmät Fatih Kacır, sanlı qurqınıçsızlıqnıñ böten payçılar häm illär öçen prioritet buluın belderep, "Törkiyä qurqınıçsız häm sığılmalı sanlı iq’tisadnı buldıru öçen böten G20 illäre belän êşlärgä äzer”, - dide
Ministrlıqtan yasalğan yazmaça belderügä kürä, Kacır Hindstannıñ Bangalor şähärendä oyıştırılğan G20 sanlı iq’tisad ministrları cıyılışında "Sanlı cämäğät asqorması", "Sanlı iq’tisadta iminlek häm sanlı sälätlär” isemle utırışlarda qatnaştı.
Kacır cıyılışta Törkiyäneñ sanlı cämğıyät asqorması, sanlı iq’tisadta iminlek häm sanlı sälätlär ölkälärendäge êşçänlegen añlattı.
Sanlı qurqınıçsızlıqnıñ böten payçılar häm illär öçen berençe çirattağı prioritet buluın belderüçe Kacır:
"İminlek yanawların totqarlaw häm kimetü öçen xezmättäşlekkä nigezlängän tırışlıqnıñ kiräk buluına ışanabız. Işanıçlı, qurqınıçsız häm sığılmalı sanlı iq’tisadnı buldıru öçen bez bergä cıyılırğa tiyış. Törkiyä qurqınıçsız häm sığılmalı sanlı iq’tisadnı buldıru öçen böten G20 illäre belän êşlärğä äzer”, - dip äytte.
