Törkiyä Milli İminlek Şurası beldergese
Milli İminlek Şurasında, Qara diñgezdä kiyırenkelekneñ artuınıñ berkemneñ dä mänfäğätenä turı kilmäwe belderelep, taraflarğa suğışnı tuqtatu häm aşlıq kileşüenä qaytu çaqıruı yasaldı
Törkiyä İlbaşı Räcäp Tayyip Ärdoğan räislegendä kiçä İlbaşı qolliyätendä ütkärelgän Milli İminlek Şurası cıyılışınnan soñ belderge bastırıldı.
Beldergegä kürä, cıyılışta “PKK/KCK-PYD/YPG”, “FETÖ” häm “DEAŞ” terror oyışmaları belän bergä milli berlekkä häm berdämlek belän isänlekkä yünältelgän härtörle yanawğa häm qurqınıçlıqqa qarşı ildä häm ar’yağında tüzemlek häm täwäkkällek belän uñışlı räweştä alıp barılğan operaśiyälär turında Şurağa mäğ’lümat birelde.
Ğıyraq belän xezmättäşlekneñ här ölkädä tağın da üsterelüeneñ häm illärneñ häm dä töbäkneñ möhim qazanışlar aluına öleş kertäçäge citkerelgän beldergedä Törkiyäneñ terrorçılıqqa qarşı köräş belän iminlekneñ häm totrıqlılıqnıñ täêmin itelüenä qağılışlı êşçänlekneñ êçkersez räweştä yaqlanıluınıñ xezmättäşlek nigezen nığıtaçağına işarät itelde.
Beldergedä cıyılışta Rusiyä belän Ukraina arasındağı suğışnıñ barışı häm aldağı êtaplarda töbäkkä buluı mömkin yoğıntılarnıñ centekläp tikşerelüenä, Qara diñgezdä kiyırenkelekneñ artuınıñ berkemneñ mänfäğätenä dä turı kilmäyäçägenä basım yasaluına iğ’tibar yünältelde.
Böten taraflar tiz arada söyläşülär östälenä utırırğa häm suğışnı tuqtatırğa çaqırılğan beldergedä aşlıq kileşüenä qaytıluınıñ moxtac illärdäge buluı mömkin tiskäreleklärne totqarlayaçağı häm azıq-tölek totrıqlılığına öleş kertäçäge iskärtelep uzıldı.
Afrikada barlıqqa kilgän häm qıytğa külämendä cäyılergä mömkin soñğı täräqqıyätlärneñ bäyälänelüe citkerelgän beldergedä qıytğanıñ mäs’älälärenä iñ yaraşlı çişeleşneñ barı tik qıytğanıñ xucaları tarafınnan tabıla alınaçağına basım yasaldı.
Beldergedä İslam dinen nişan itep alıp, 2 milliardqa yaqın möselmannı räncetüçe häm Berläşkän Millätlär Oyışması tarafınnan da näfrät cinayäte dip bäyälängän cirängeç ğamällärneñ totqarlanıluı häm gäyıplelärneñ xökemgä tartıluı mäs’äläsendäge cawaplılıqların ütämäwçe däwlätlär süz irege iseme astında çäçkän näfrät orlıqlarınıñ barlıqqa kiterä alaçaq cimergeç yoğıntıların abaylap, tiz arada bu totışların üzgärtergä häm izge qıymmätlärgä yünältelgän höcümnärgä qarşı bergä köräş alıp barırğa çaqırıldı.
Global’ krizisqa äylänä barğan klimat üzgäreşläreneñ tärtipsez migraśiyädän sośial krizislarğa, êçke butalçılıqlardan däwlätlärara bäreleşlärgä qadär bik küp problemanı tudıra alğan yoğıntılarına tuqtalıp uzıluı äytelgän beldergedä keşelekneñ şuşı urtaq mäs’äläsen barı tik xalıqara cämäğätçelekneñ ğadel häm êçkersez tırışlığı häm xezmättäşlege belän xäl itelä alınaçağına basım yasaldı.
