Nigerdağı Türkiyä watandaşları İstanbulğa kiterelde
Nigerdağı xärbi tüntäreleştän soñ hawa kiñlege yabılğanğa öylärenä kire qayta almağan Türkiyä watandaşları öçen maxsus reys oyıştırıldı
26 nçı iyül’dä Nigerdağı xärbi tüntäreleştän soñ waqıtlıça bu ildä bulğan häm hawa kiñlege yabılğanğa öylärenä kire qayta almağan Türkiyä watandaşları maxsus oçış röxsäte belän İstanbulğa kiterelde.
233 yulçı, alarnıñ kübese Türkiyä watandaşları, başqala Niameydağı Xalıqara Diori Xamani aêroportınnan İstanbulğa yulğa çıqtı.
Oçqıç irtänge säğat’lärdä İstanbul aêroportına kilep citte.
Türkiyäneñ Niameydağı tulı wäqalätle ilçelege beldergänçä, bu reys Nigerdağı Türkiyä grajdannarın êvakuaśiyäläw tügel, ä ildä waqıtlıça qalğan häm Türkiyägä kire qaytırğa kiräk bulğan watandaşlarga häm başqa yulçılarğa birelgän mömkinlek.
Türkiyäneñ Niameydağı ilçelege, Türkiyä oyışmaları, Türkiyä - Niger duslıq xastaxanäse xezmätkärläre häm Nigerdağı törek şirkätlärendä êşläwçe Türkiyä watandaşları Nigerda qaluların däwam itälär.
