Fidan Qıtay tışqı êşlär ministrı belän küreşte

Diplomatik çığanaqlardan alınğan mäğ’lümatkä kürä, Qıtay Kommunistlar partiyasınıñ Üzäk komitetı Politbyuro äğ’zase, Tışqı êşlär üzäk komissiyası direktorı häm tışqı êşlär ministrı Vang Yi räsmî säfär öçen kilgän başqala Änkarada Türkiyä Tışqı êşlär ministrı Xaqan Fidan belän küreşte.

Fidan belän Qıtaylı wazıyfadaşı Vang Yi qara-qarşı häm wäkilleklärara söyläşülär waqıtında ike yaqlı mönäsäbätlärne böten yaqları belän qarap çıqtı.

Söyläşülärdä “Xökümätlärara xezmättäşlek komitetı, Tışqı êşlär ministrları kiñäşmä mexanizmı, Konsullıq kiñäşmäläre, Qatnaş iq’tisad komissiyası” kebek ike il arasındağı dialog häm kiñäşmä mexanizmnarın tağın da êffektiv qullanu, iq’tisadi häm säwdä mönäsäbätläreneñ arttırıluı, Poyas häm yul belän Urta koridor iniśiativalarınıñ ahäñläşterelüe, atom-töş ênergiyası, awıl xucalığı, grajdan aviaśiyası, mädäniyät häm turizm mäs’äläläre quzğatıldı.

Bu qısada Qıtay belän ike yaqlı säwdäneñ tağın da tigez, balanslı häm daimi qorılışqa (strukturağa) qawıştırıluına qağılışlı närsä başqarıla alınaçağı mäs’äläse belän investiśiyälärneñ ike yaqlı arttırıluı mäs’älälärenä tuqtalıp uzıldı.

Oçraşu waqıtında uyğır törkiläreneñ wazğıyäte dä söyläşelde.

Monnan tış könüzäk regional’ häm xalıqara mäs’älälärdä fiker alışıldı. Bu qısada Yaqın Könçığıştağı täräqqıyätlär, Ukrainadağı soñğı wazğıyät häm global’ finans sisteması da bäyälände.