Äliyıv: “Türkiyä (Төркия) belän Azärbaycan tağın da möhim global’ rol’ uynayaçaq”

Äliyıv Qarabaxnıñ simvol qalası Şuşada oyıştırılğan "4nçe Sänäğät inqıylabı däwerendä yaña media” isemle Global’ media forumınıñ açılışında çığış yasadı.

Çığışın Türkiyä belän Azärbaycan arasındağı mönäsäbätlärgä tuqtalıp uzıp başlağan Äliyıv İlbaşı Räcäp Tayyip Ärdoğan belän şäxsi duslığınıñ regional’ üseş häm totrıqlılıq öçen möhim faktör buluın äytte.

Türkiyä häm Azärbaycan xalıqlarınıñ mönäsäbätläreneñ ozaq waqıtlı duslıq häm qardäşlek nigezendä urnaşuın bilgeläp uzuçı Äliyıv 2nçe Qarabax suğışınıñ berençe säğätlärennän birle törek xalqınıñ häm däwläteneñ Azärbaycan belän iñgä-iñ bergä buluına basım yasadı.

Äliyıv, ciñüdän soñ Türkiyä (Төркия) belän Şuşa bäyannamäsenä qul quyıp, mönäsäbätlärne berlektäşlek däräcäsenä kütärülärenä işarät itep: "Şuşa bäyannamäse däwlätlärebez öçen zur uñış häm baylıq. Bu bäyannamä bezneñ öçen yaña ofıqlar açtı", - dip äytte.

Dön’yada häm töbäktä wazğıyätneñ üzgärüenä iğ’tibarnı yünältüçe Äliyıv: "Kön’yaq Qavqazda wazğıyätne totrıqlı itärgä tiyışbez. Daimi tınıçlıqnı urnaştırırğa tiyışbez. Kiläçäk öçen iminlek täêmin itelergä tiyış. Häm global’ mäs’älälärdä häm dä töbägebezdä Türkiyäneñ (Төркиянең) role bik möhim. Türkiyä (Төркия) totrıqlılıqnı täêmin itüçe rol’ uynıy. Türkiyäneñ (Төркиянең) säyäsäte regional’ totrıqlılıqnıñ häm iminlekneñ urnaştırıluına yünälgän häm Azärbaycan bu säyäsätne yuğarı bäyäli”, - dide.

Äliyıv Azärbaycan belän Türkiyäneñ (Төркиянең) aldıbızdağı yıllarda barı tik töbäktä genä tügel, global’ bularaq tağın da möhim rol’ uynayaçağın iskärtep uzdı.

Öç kön däwam itäçäk forumda 50 ildän 250dän kübräk delegat qatnaşa.