Farsı qultığına säfärneñ näticäläre

Monnan alda säyäsi köndäş bulğan illär barı berniçä yıl êçendä berlektäşkä äwerelde (әвeрeлдe). İkeyaqlı mönäsäbätlärne tağın da yaqın xälgä kiterü häm soñınnan xezmättäşlek däräcäsenä citkerü - Türkiyä ilbaşınıñ Farsı qultığı illärenä yasağan 3 könlek säfäre maqsatlarınıñ berse ide. İke yaqlı säwdä häm investiśiyälärne (инвестицияләрнe) arttıruğa yünältelgän bu säfär uñışlı näticälär kiterde.

Ärdoğannıñ yulçılığınıñ berençe tuqtalışı Soğud Ğaräbstanı buldı. Ul biredä täxet prinśı Möxämmät bin Sälman belän oçraştı. Liderlar Türkiyäneñ cirle êlektrlı maşinası "TOGG"nı yörtep käyıflängändä, ike ilneñ delegaśiyäläre saqlanu, ênergetika, investiśiyä häm êlemtä tarmaqlarında xezmättäşlek kileşülären imzaladı. Bu säfärneñ iñ ähämiyätle yağı - Baykar keşesez hawa apparatlarınıñ tarixi kileşü qısalarında Soğud Ğaräbstanına satıluı buldı. Bu kileşüneñ Türkiyä tarixındağı iñ zur saqlanu êksportı dokumentı buluı belderelä.

Çirattağı tuqtalış - Qatar ide. Qatar - Türkiyäneñ regiondağı iñ ähämiyätle berlektäşe bularaq bilgele. Ärdoğan ämir şäyex Tamim bin Xamad Al Taniga "TOGG" maşinasın büläk itkännän soñ ike lider törle tarmaqlarda xezmättäşlekne arttıru öçen yasalırğa mömkin adımnar turında söyläşte. Bu säfär axırında ike il arasında säyäsi, diplomatik, iq'tisadi häm säwdä koordinaśiyäsen arttıruğa yünälterlgän urtaq belderü çığarıldı.

İlbaşınıñ soñğı tuqtalışı - Äbu-Dabi buldı. Ärdoğan biredä wazıyfadaşı - däwlät başlığı Möxämmät bin Zayäd Al Naxyan belän oçraştı.

Räcäp Tayyip Ärdoğan - Türkiyä ilbaşı:

- Diplomatik mönäsäbätlärebezneñ 50 yıllığında yaqın dialog häm xezmättäşlekneñ üsüenä qanäğat'lek xis itäbez. İmzalanaçaq urtaq memorandum belän mönäsäbätlärebezne strategik xezmättäşlek däräcäsenä citkeräçäkbez. Yuğarı däräcäle strategik şura mexanizmı belän mönäsäbätlärebezneñ iñ yuğarı däräcädä qaraluın täêmin itäçäkbez. İnvestiśiyälärne stimullaştıru, iminlek, yañartıla aluçı ênergetika häm tansport şikelle alannarda xoquqıy asqormanı nığıtırğa telibez. Çığarılaçaq qararlar häm törle ölkälärdä imzalanaçaq kileşülärneñ xäyerle buluın çiksez qodrät iyäse Allahtan sorıym.

İke lider arasında atmosfera şaqtıy dustanä häm uñay ide. Liderlar ilbaşı Ärdoğannıñ wazıyfadaşı Möxämmät bin Zayäd Al Naxyanğa üläk itkän yaña "TOGG" maşinası belän bergä fotoğa töşte. Türkiyä ilbaşına Berläşkän Ğaräp Ämirleklärendä grajdanlılarğa birelüçe iñ yuğarı büläk bulğan Zayäd däwlät ordenı täq'dim itelde. İke ilneñ delegaśiyäläre kimendä 50 million dollarlıq kileşülär häm añlaşu memorandumı imzaladı.

İlbaşı Ärdoğannıñ Farsı qultığı illärenä säfäre maşina büläk itü diplomatiyäsennän başlap zur külämle kileşülärgä häm ikeyaqlı xezmättäşlekkä qadär şaqtıu uñışlı näticälär kiterde. Bu säfär waqıtında imzalanğan milliardlarça dollarlıq kileşülär häm yasalğan investiśiyälär Türkiyä iq'tisadına bik kiräkle yañarışnı barlıqqa kiteräçäk. İlbaşınıñ bu säfärläre tögällängännän soñ Änkara häm Farsı qultığı däwlätläre arasında barlıqqa kilgän cılı mönäsäbätlär Türkiyäneñ töbäkkä ähämiyätle aktyer bularaq kire qaytaçağın kürsätä.