Türkiyädäge çit il missiyäläreneñ 15nçe iyül’ yullamaları
Angliya häm Ukrainanıñ Änkara ilçeläre belän Azeärbaycan, Paqıstan, Rusiyä häm Şveśiyanıñ Änkara ilçelekläre 15nçe iyül’ Demokratiya häm milli berdämlek köne mönäsäbäte belän yullama bastırdı
Angliyanıñ Änkara tulı wäqalätle ilçese Jill Morris “Twitter” akkauntınnan törekçä urnaştırğan yullamasında:
"Bügen Türkiyädäge uñışsız tüntäreleş omtılışınıñ yıllığı. Böyıkbritan, ul çaqta da bez köçle itep kürsätkänebez kebek, demokratik bularaq saylanğan Türkiyä Cömhüriyäte xökümäte belän teläktäşlek êçendä buldı häm härwaqıt bulaçaq. NATO berlektäşebez, G20 urtağıbız häm Awrupa Şurasınıñ qoruçı äğ’zalärennän berse bulğan Türkiyäneñ demokratiyası bezneñ öçen bulğanı qadär böten dönya öçen dä ähämiyätle”, - dip äytte.
Ukrainanıñ Änkara tulı wäqalätle ilçese Vasil’ Bodnar da “Twitter”dan Türkiyä bayrağı fotosüräte belän urtaqlaşqan törekçä yazmasında:
“Bügengä qadär saqlağan şuşı bayraq 2016nçı yılnıñ 15nçe iyül’ könne İstanbulda ber törek watandaşı tarafınnan büläk itelde. Ul könne qıyu häm irekle ixtıyar belän köräşkän törek xalqınıñ 15nçe iyül’ Demokratiya häm milli berdämlek könen qotlıym”, - dip äytte.
Azärbaycannıñ Änkara ilçelege “Twitter” akkauntınnan: “#Türkiye häştäge belän "15nçe iyül’ Demokratiya häm milli berdämlek köne mönäsäbäte belän üzlären qalqan itep xain tüntäreleş omtılışın totqarlağan, qannarı belän qaharmanlıq dastanın yazğan ğaziz şähitlärebezne xörmät häm yarlıqaw belän iskä alabız, ğazıylarıbızğa räxmätlärebezne citkeräbez”, - digän yullama belän urtaqlaştı.
Paqıstannıñ Änkara ilçelege dä “Twitter”dan urtaqlaşqan yazmasında Paqıstan xalqınıñ häm xökümäteneñ Demokratiya häm milli berdämlek könendä Türkiyä belän köçle yaqlawın häm teläktäşlegen yañadan raslawı belderelde.
Yazmada: "Bügen 15nçe iyül’ şähitlären iskä alu cıyınında törek qardäşlärebezgä quşılabız, Türkiyä mullığınıñ häm tınıçlığınıñ däwam itüe öçen çın küñelebezdän doğalarıbıznı häm teläklärebezne citkeräbez”, - dip äytelde.
Rusiyäneñ Änkara ilçelege dä “Twitter” akkauntınnan: "Törek duslarıbıznıñ 15nçe iyül’ Demokratiya häm milli berdämlek könen çın yöräktän qotlıybız”, - dip belderep, däwlät êşlärendä töp qanunğa (Конституциягә) qarşı kilä torğan ğamällärne häm köç qullanunı Rusiyäneñ qabul itelmäslek dip tabuın iskärtep uzdı.
Şveśiyanıñ Änkara ilçelege isä “Twitter”dan: "Bügen 15nçe iyül’ Türkiyäneñ Demokratiya häm milli berdämlek köne. Häläq buluçılarnı xörmät belän iskä alabız”, - digän yazma belän urtaqlaştı.
