Çit illärdäge wäkilçeleklärdä 15 nçe iyül' çaraları uzdı

15 nçe iyül’ – demokratiya häm milli berdämlek köne nisbätennän çit illärdäge tulı wäqalätle ilçeleklärdä häm  konsullıqlarda iskä alu programmaları uzdı.

Amerika Quşma Ştatlarında N’yu -York General’ konsullığı oyıştırğan çarada Türkiyäneñ BMOdağı daimi wäkile tulı wäqalätle ilçe Sädat Önal, Türkiyäneñ N’yu-York konsulı Räyxan Özgür, cirle häm çit il dplomatik missiya xezmätkärläre, törle ictimağiy oyışmalar wäkilläre häm watandaşlar qatnaştı.

Programma aldınnan 15 nçe iyül’ şähitläreneñ isem häm fotoları bulğan zur bayraq Törek yortınıñ 16 nçı qat balkonına êlende.  

Peruda Türkiyäneñ Limadağı ilçelegendä uzğan çarada ilçe Särra Kaläli, Türkiyä oyışmaları wäkilläre häm bu ildä yäşäwçe Türkiyä grajdannarı qatnaştı.

Braziliyädäge San-Paulu General konsullığında oyıştırılğan programmada Türkiya ğasırı qaharmanarına xörmät häm räxmät xisläre belderelde.

Êkvadorda Türkiyäneñ Kito ilçese Makbulä Başak Yalçın räislegendä 15 nçe iyül’ – demokratiya häm milli berdämlek köne uñayınnan iskä alu çarası ildä yäşäwçe Türkiyä watandaşları häm möselman cämğıyäte wäkilläre qatnaşında ütte.

Türkiyäneñ Kolumbiya häm Venesuêladağı tulı wäqalätle ilçeleklärendä dä iskä alu programmaları uzdı.

Argentinada Türkiyäneñ Buenos-Ayrestağı ilçese Söläyman Ömür Budak qatnaşında ilçelek binasında şähitlär häm ğazıylarnı iskä alu cıyını uzdı.

Yaponiyädä Tokio mäçete kampusındağı Ärtugrul zalında oyıştırılğan çarada Türkiyäneñ däwlät häm ictimağıy oyışma wäkillare, çaqırılğan qunaqlar qatnaştı.

Çarada fotoräsem kürgäzmäse açıldı, qunaqlar Türkiyä ilbaşı idäräseneñ êlemtä bülege äzerlägän “15 nçe iyül’ – demokratiya häm milli berdämlek köne” isemle dokumenal’ fil’m qaradılar.