15 nçe iyül’ – demokratiya häm milli berdämlek köne yullamaları

 Türkiyä tışqı êşlär ministrı Xakan Fidan 15 nçe iyül’ – demokratiya häm milli berdämlek köne uñayınnan yullama yasadı.

“Bezneñ böyek millätebez, ilbaşıbız citäkçelegendä, 15 nçe iyül’dä xalıqara imperialzm wäkilläre aşa Türkiyäne yawlap alu tırışlıqların uñışsız qaldırdı häm Türkiyä ğasırınıñ işeklären açtı. Batırlarça mäydannarğa çıqqan şähitlärebezne xörmät belän iskä alam, ğazıylarıbızğa räxmätläremne citkeräm. Demokratiya häm milii berdämlek köne qotlı bulsın!” diyelä ministrnıñ sośial’ media akkauntındağı belderüendä.

Türkiyä milli saqlanu ministrı Yaşar Gülär sośial’ media akkauntında yasağan belderüendä bolay dide: “15 nçe iyül’ tönendä Watanı, bayrağı öçen xıyänätçelärgä qarşı torıp ğomerlären birgän şähitlärebezne xörmät belän iskä alam häm ğazıylarıbızğa ,15 nçe iyül’ dastanın yazğan watandaşlarıbızğa xörmätemne häm räxmätemne belderäm”.

Türkiyä êçke êşlär ministrı Ali Yärlikaya 15 nçe iyül’ – demokratiya häm milli berdämlek köneneñ 7 yıllığı mönäsäbäte belän sośial media akkauntında tübändäge yullarnı yazdı: “15 nçe iyül’neñ 7 yıllığında ilebezneñ här poçmağında şähitlärebezne, ğazıylarıbıznı häm ay-yoldızlı şanlı bayrağıbız belän xıyänätçelärgä tuqtarğa quşuçı millionlağan watandaşıbıznı iskä alabız häm ilbaşı Räcäp Tayyip Ärdoğannıñ süzläre belän “Buldıra almayaçaqsız! Millätebezne bülä almayaçaqsız! Bayrağıbıznı töşerä, Watanıbıznı bülä, däwlätebezne cimerä almayaçaqsız! Azannarıbıznı tıya, bu ilgä tez çükterä almayaçaqsız! Meñ yıl yörgän bu yuldan bezne kire bora almayaçaqsız. Türkiyäne maqsatlarınnan waz kiçerä almyaçaqsız” dip äytäbez”.

İlbaşı urınbasarı Cäwdät Yılmaz 15 nçe iyül’- demokratiya häm milli berdämlek köne uñayınnan yasağan belderüendä “15 nçe iyül’dä bulğan xain tüntäreleş kereşüennän soñ näq’ 7 yıl ütte. Bez Watanıbızğa höcüm itkän xıyanätçelärne dä, ilebez öçen cannarın birgän qaharmannarıbıznı da onıtmadıq. Şähitlärebezne xörmät häm räxmät xisläre belän iskä alam, ğazıylarıbızğa isänlek-sawlıq telim” dide.