Awrupa matbuğatında Ärdoğan häm Türkiyäneñ NATO sammitındağı uñışı

Gazetlar Şveśiyanıñ NATOğa quşılu protokolın Türkiyä Böyık Millät Mäclesenä tapşıru qararı belän häm alıp barğan diplomatiya belän Türkiyäneñ yuğarı däräcäle oçraşudan zur näticä belän kitüen yaza.

İspaniyanıñ aldınğı gazetlarınnan “El Pais”: "Ärdoğan Stokgol’mdağı vetosın ğamäldän çığaru süzenä bärabär berniçä frontta anıq alğarışqa ireşte”, - dip añlatma yasıy.

Gazet: "Türkiyä İlbaşı Räcäp Tayyip Ärdoğan Vil’nyustağı NATO sammitı aldınnan Şveśiyanıñ NATO'ğa kerüe aldındağı kirtäne beterü yöklämäsen üz östenä aldı. Änkaranıñ bigräk tä terrorçılıq belän köräş ölkäsendä Skandinaviya ilennän anıq taşlamalar alğan kiyırenke barış buldı. Ayıruça Amerika Quşma Ştatlarınıñ tağın da kübräk “F-16” xärbi oçqıçın satu teläge häm Awrupa Berlege belän yaña xezmättäşlek mömkinlekläre açıldı. Bryussel’ xäzer Türkiyä belän mönäsäbätlärdä yaña täräzäneñ açıluın uylıy”, - dip belderä.

Germaniyanıñ “Frankfurter Allgemeine” gazetındağı "Ärdoğannıñ ciñüe” isemle añlatmada: "Finlyandiya belän Şveśiyanıñ NATOğa quşıluı öçen ber yıl buyı alıp barılğan köräştä Ärdoğan mäydannan ottıruçı bularaq ayırılmıy”, - dip bäyäläw yasala.

Ärdoğan “säyäsi satulaşu (marketing) ostası” dip bäyälängän yazmada Türkiyäneñ mänfäğätläre öçen kiräk bulğan çaqta bik alğa taba barırğa niyätle buluın dönyağa ikelänmiçä kürsätüenä basım yasala.

“Bild” gazetı da “NATOnıñ yaña köçle keşese: Räcäp Tayyip Ärdoğan" isemle xäbärendä Türkiyä Däwlät başlığının global’ säyäsi krizislarda häm qabul itelgän qararlarda qatnaşuın, qazanışı bulmağan kileşüneñ yuq diyärlek qadär äz buluın belderä.

“Welt” gazetı da: “Ärdoğannıñ şaqqattırğıç däräcädä uñışlı bulğan strategiyanı näticägä citkerüenä” işarät itä.

Angliyanıñ “The Daily Telegraph” gazetında mäqaläse basılğan Angliyanıñ êlekke Ğadälät (Юстиция) ministrı häm Baş ministr urınbasarı Dominik Raab: "Türkiyä NATOnıñ Yaqın Könçığışqa kürşe berlektäşe bularaq ähämiyätkä iyä bulsa, quşılmağan illär belän mönäsäbätlärdä dä täêsirle uyınçı bularaq möhim”, - dip fikeren belderä.

Franśiyanıñ “L'Opinion” gazetı, italian “La Stampa”, “La Repubblica” häm “Corriere della Sera” gazetları da Ärdoğannıñ Vilniustağı (Vil’nyustağı) uñışları turında süz alıp bara.

Bolgariyanıñ aldınğı basması "24 säğät" gazetı; "Şveśiyanıñ NATOğa quşıluı Türkiyä öçen dä ciñü bulıp sanala”, - dip yazğan bulsa, grek matbuğatı da Ärdoğan belän Greśiya (Греция) Baş ministrı Kiryakos Miçotakisneñ ütkärgän ike yaqlı söyläşüne kiñ itep yaqtırta. Bik küp gazet söyläşüne baş bitennän citkerä.