Ärdoğan oçqıçta matbuğat wäkilläre belän söyläşte

İlbaşı Ärdoğan Litvada oyıştırılğan NATO däwlät häm xökümät başlıqları sammitınnan soñ Türkiyägä qaytqan çaqta oçqıçta bäyäläwlär yasadı, jurnalistlarnıñ sorawlarına cawap birde.

Litva säfären uñışlı tämamlawların belderüçe Ärdoğan: "Tırışularıbız näticäsendä ittifaq tarixında berençe tapqır terrorçılıq belän köräş maxsus koordinatorınıñ bilgelänelüe qararı iğ’lan itelde”, - dip äytte.

Şveśiyanıñ NATO äğ’zalege mäs’äläsendä Türkiyäneñ prinśipial’ totışınıñ baştan birle bilgele buluına iğ’tibarnı yünältüçe Ärdoğan: "Üzlärenä äytkänebez kebek Şveśiyanıñ quşılu protokolların raslayaçaq organ Türkiyä Böyık Millät Mäclese. Xäzerge waqıtta êşäwçe barış bar. Parlamentıbız yasalğan adımnarnı küzätäçäk, ilebezneñ mänfäğätläre qısalarında iñ döres qararnı qabul itäçäk”, - dip iskärtep uzdı.

Sammit qısalarında bik küp däwlät häm xökümät başlığı belän söyläşülär uzdıruın xäterlätüçe Ärdoğan: "Awrupa Berlege äğ’zalek barışıbıznıñ yañadan canlandırıluı ölkäsendä uñay qaraş bar”, - dide.

Türkiyäneñ birgän süzlärneñ härwaqıt artında toruın añlatuçı Ärdoğan: "İke yaqlı tabış nigeze belän alıp barılğan söyläşülärneñ anıq näticälären iñ qısqa waqıtta kürergä telibez. Birelgän süzlärgä qağılışlı tögäl adımnar, berençe çiratta terror oyışmalarınıñ êşçänlegeneñ telgä alınğan illärdä beterelüe, terrorçılarnıñ qaytarıluı. Awrupa Berlegennän küräçäk uñay êşçänlek näticäsendä bez dä birgän süzlärne tormışqa aşıru öçen êşçänlekkä başlarbız”, - dip belderde.

Amerika Quşma Ştatları İlbaşı Djo Bayden belän ütkärgän oçraşuğa da tuqtalıp uzuçı İlbaşı Ärdoğan “F16” xärbi oçqıçlarınıñ Türkiyägä satıluı belän bäyle bularaq Baydennıñ häm citäkçelegeneñ Türkiyä yaqlı buluın, törek ministrlarınıñ da, wazıyfadaşları belän söyläşep, barışnıñ faydabızğa äylänüen täêmin itäçäklären bilgeläp uzdı.

Tärtipsez migraśiya belän köräş turındağı soraw uñayınnan da Ärdoğan Türkiyäneñ bu mäs’älädäge köräşeneñ berqayçan da tuqtamawın häm tuqtamayaçağın belderde.

"Başqarılğan êşçänlek belän qısqa waqıtta tärtipsez (qanunsız) migrantlar mäs’äläsendä küzgä kürenerlek üzgäreşlärne watandaşıbız xis itäçäk,” – dip äytüçe Ärdoğan êşçänlekneñ berqayçan da keşe däräcäsenä tiskäre itep başqarılmayaçağına basım yasadı.