Türkiyäneñ universitetları Angliyä reytingında

Türkiyä 2023nçe yılğı Bötendön’ya yäş’ universitetlar reytingında 47 uqu yortı belän iñ küp wäkillek itelgän däwlät buldı.  

Yuğarı belem şurasınnan yasalğan belderügä qarağanda, Angliyäneñ reyting agentlığı “'Times Higher Education” 50 yıllıq häm annan da yäş’räk universitetlarnıñ isemlegen tözede. Anda Türkiyä berençe urınnı aldı.

İsemlekkä kergän universitetlarnıñ uqıtu, tikşerenü, belem tapşıru häm xalıqara perspektiv missiyälär yağınnan bäyälänüe belderelde. Anda 78 däwlättän kiräkle kriteriylarğa cawap birüçe 605 universitet saylana.  Türkiyädän isemlekkä 47 yäş’ universitet kerä. Şulardan Koç universitetı - 55nçe, Sabancı universitetı - 89nçı urınğa urnaşıp berençe 100lekkä kerügä ireşä.

Türkiyäneñ 20 universitetı isä berençe 500lektä.