AQŞta texnologiya tarmağındağı töreklär cıyıldı

Bu programma Türkiyäneñ N’yu-York baş konsulı Räyhan Özgür belän "Turks in Tech" cämğıyäteneñ tözüçese Aykut Qaraalioğlunıñ qabul itüendä ütkärelde.

Çarada Türkiyäneñ Berläşkän Millätlär Oyışması daimi wäkile, tulı wäqalätle ilçe Sädat Önal häm Türkiyä İlbaşı idaräse investiśiya ofisınıñ Waşington wäkile Näcmättin Kaymaz belän bergä texnologiya tarmağında êşläwçelär, şul isäptän êşmäkärlär, investorlar häm injenerlar qatnaştı.

Özgür biredäge çığışında, Törek yortında bik küp çara oyıştırularına işarät itep, tarmaq oçraşuları qısalarında monan alda da sälamätlek saqlaw häm xoquq ölkäsendä êşläwçelär öçen programmalar ütkärülären xäterlätte.

Texnologiyanıñ illärneñ üseş däräcäsendäge ähämiyätenä tuqtalıp uzuçı Özgür oyıştırılğan çarada da texnologiyanıñ här ölkäsennän käsepçelärneñ, start-up iyäläre belän zur amerikan şirkätlärendä injener bulıp êşläwçe bik küp watandaşnıñ qatnaşuın äytte.

Özgür, Amerika Quşma Ştatlarında texnologiya tarmağında êşläwçe töreklärneñ üz illärenä täcribä häm kapital küçertü kebek öleş kertä alaçaqlarına basım yasap: "İlebezne härwaqıt aqılığızda totığız. Anda närsälär tormışqa aşırıp bulır, dip uylawığız Türkiyägä möhim öleş kertüegezne täêmin itäçäk”, - dip belderde.