Türkiyä ğailä häm sośial’ xezmätlär ministrına Aljirdan olı büläk
Aljirnıñ êlekke tulı wäqalätle ilçese häm ministr Mahinur Özdämir Göktaş “Berençe däräcä Aljir Milli Maqtaw ordenı” belän büläklände
2001781
Türkiyä ğailä häm sośial’ xezmätlär ministrı Mahinur Özdämir Göktaş “Berençe däräcä Aljir Milli Maqtaw ordenı” belän büläklände.
Ministr bu xaqta üzeneñ Twitter akkauntında belderü yasadı.
Aljirnıñ êlekke tulı wäqalätle ilçese häm ministr Özdämir Göktaş Aljir ilbaşı Abdulmäcid Täbbun belän töşkän fotoräsemen urtaqlaşıp,”İl tarixında berençe tapqır ilçegä birelgän “Berençe däräcä Aljir Milli Maqtaw ordenı” belän büläklänü zur ğorurlıq” dip yazdı.
Ministr şulay uq üzeneñ wäqalätläre däwamında bulışqanı öçen Aljir ilbaşına räxmät äytte.
Türkiyä tışqı êşlär ministrı Xakan Fidan ğailä häm sośial’ xezmätlär ministrın büläk aluı uñayınnan täbrik itte.
Mahinur Özdämir Göktaş Türkiyäneñ Aljirdağı ilçese itep 2020 nçe yılda bilgelängän ide.
