Ärdoğan Paqıstannıñ qayğısın urtaqlaştı
Greśiyä sulıqlarında 14nçe iyün’dä migrant köymäseneñ äylänep qaplanuı näticäsendä Paqıstan watandaşları da hälaq bulğan
2002106
Türkiyä ilbaşı Räcäp Tayyip Ärdoğan Paqıstan xökümäte räise Şaxbaz Şärifneñ migrant köymäse faciğasendä ğomere özelüçelär öçen qayğısın urtaqlaştı. Räsmi çığanaqlar beldergänçä, ike lider telefonnan söyläşte.
Ardoğan Greśiyä sulıqlarında batqan möhacirlär köymäsendä ğomere özelgän Paqıstan watandaşları öçen täğ’ziyälären citkerde. Ul bu waqıyğa öçen tiränten borçıluın äytep, Paqıstan xalqınıñ xäsräten urtaqlaşuın belderde.
Greśiyä sulıqlarında 14nçe iyün’dä migrant köymäseneñ äylänep qaplanuı näticäsendä 81 möhacir hälaq buldı, 104e qotqarıldı.
Ülüçelär arasında Süriyä, Misır, Paqıstan häm Fälästin watandaşları da bar.
