Türkiyä İzrailne gäyıpläde

Türkiyä tışqı êşlär ministrlığı İzrailneñ yaw astındağı Fälästin cirlärendä qanunsız toraq urınnarın tözü êşçänlegenä qarata yazmaça belderü yasadı.

Belderüdä İzrail xakimiyäteneñ qanunsız toraq urınnarı êşçänlegen arttıruın häm Yordannıñ Könbatış üzänlegeneñ kim digändä 19 töbägendä 4 meñ 500 berämlekle (bloklı) yaña qanunsız toraq urınnarın tözü turında açıqlanğan plannarınıñ gäyıplänelüe citkerelde.

İzrail xökümäteneñ daimi tınıçlıq nigezenä citdi zarar kiterüçe, xalıqara xoquqqa häm Berläşkän Millätlär Oyışması parametrlarına tulısınça qarşı kilüçe şuşı adımnarınıñ qabul itelmäslek buluına basım yasalğan belderüdä:

"Türkiyä 1967nçe yılğı çiklär nigezendä, başqalası Könçığış Qodüs bulğan, geografik bötenlekkä iyä, bäysez häm suveren Fälästin däwläteneñ buldırıluına qağılışlı ike däwlätle çişeleş tırışuların yaqlarğa däwam itäçäk,” – dip iskärtelep uzıldı.