Cäwdät Yılmaz: “Türkiyä Kipr töreklären yaqlarğa däwam itäçäk”

Cäwdät Yılmaz Tön’yaq Kipr Törek Cömhüriyätendäge oçraşuları qısalarında İlbaşı Ärsin Tatar belän küreşep söyläşte.

Yılmaz söyläşüdän soñ oyıştırılğan urtaq press-konferenśiyädä Tatar belän oçraşuı waqıtında Tön’yaq Kiprnıñ ğadellek köräşe häm üseş ölkäsendäge xezmättäşlek belän ber rättän Könçığış Urta diñgez häm Maraş iniśiativasına qağılışlı soñğı täräqqıyätlärne häm annan soñğı çorda fiker berlege belän yasalaçaq adımnarğa tuqtalıp uzuların äytte.

Bügengä qadär bulğanı kebek monnan soñ da Kipr törekläreneñ xäsrätläre belän xäsrätlänäçäklären, ixtıyacların Türkiyäneñ ixtıyaclarınnan ayırım kürmäyäçäklären añlatuçı Yılmaz:  "Kipr törekläre Türkiyä ğasırında yıllar buyı bu cirlärgä yaraşlı dip kürengän êmbargolarnı ber-ber artlı cimeräçäk, dönyağa açılaçaq," – dip äytte.

Cäwdät Yılmaz Türkiyäneñ böten oyışmaları belän Kipr töreklären yaqlarğa däwam itäçägen belderde.

Tatar belän söyläşüe waqıtında Kipr mäs’äläse belän ber rättän Könçığış Urta diñgezdäge wazğıyätne dä quzğatuların citkerüçe Yılmaz: "Kipr mäs’äläseneñ Kipr törek xalqınıñ legitim xoquqların häm iminlegen täêminat astına alaçaq räweştä ğadel, daimi häm totrıqlı çişeleşkä qawıştırıluı ilebezneñ iñ möhim prioritetlarınnan berse,” – dip iskärtep uzdı.

Yılmaz, Kiprda çişeleşneñ barı tik utrawdağı çınbarlıqlar nigezendä yasala alınaçağına işarät itep, mondıy ber çişeleşneñ regional’ totrıqlılıqqa häm mullıqqa da öleş kertäçägenä basım yasadı.

Yılmaz: "Könçığış Urta diñgezdä ilebez häm üz qıytğa mäydanındağı xoquqların häm dä Kipr utrawınıñ tigez häm urtaq xucası bulğan Kipr törekläreneñ legitim xoquqların häm mänfäğätlären saqlawda täwäkkäl,” – dide.

Tön’yaq Kipr Törek Cömhüriyäte Däwlät başlığı Tatar da Türkiyä Prezidentı Räcäp Tayyip Ärdoğannan soñ İlbaşı urınbasarı Yılmaznıñ da wazıyfağa başlağannan soñ berençe säfären Tön’yaq Kipr Törek Cömhüriyätenä yasawnıñ Türkiyäneñ Kipr törek xalqına birgän ähämiyäten kürsätüen belderde.

Ärdoğannıñ säfäre waqıtında Tön’yaq Kipr Törek Cömhüriyätenä kabel’ belän êlektr proyıktınıñ tizläteläçägen äytüen xäterlätüçe Ärsin Tatar: "Türkiyädän biregä kabel’ belän elektr proyıktı yaña ber söyeneç,” – dip äytte.