Türkiyädä êlektron saylaw sisteması ğamälgä kerteläçäk

Amerika Quşma Ştatları, Şveyśariya, Êstoniya, Braziliya kebek şaqtıy ildä qullanılğan sistema turında söyläwçe Yuğarı saylaw şurası başlığı Äxmät Yänär Türkiyäneñ bu sistemağa küçüeneñ şart buluın, 2024nçe yılnıñ 31nçe mart könendäge cirle saylawdan soñ êşçänlekneñ tizläteläçägen belderde.

Yänär saylawlarnıñ “ê-däwlät”tän da bula alaçağına basım yasadı.

Êlektron saylaw sistemasınıñ niçek başqarıla alınaçağı turında da mäğ’lümat birüçe Yänär pilot töbäk saylana alınaçağına işarät itte, berençe planda çit illärdäge saylawçılarnıñ bu sistema aşa tawış birü variantınıñ bäyäläneläçägen äytte.

Êlektron tawış birü sistemasına küçelgän oçraqta Türkiyä zur matdi çığımnan qotılaçaq. Ayıruça saylawçılar öçen yaña sistema zur uñaylıq tudıraçaq.

Êlektron saylaw sistemasına küçü öçen qanuni tärtipkä salu zarur.