Türkiyäneñ 13 nçe ilbaşı – Ärdoğan
Ul ilbaşı saylawınıñ ikençe turında ciñü yawladı
1992167
Kiçä, 28 nçe mayda Türkiyädä ilbaşı saylawınıñ ikençe turı uzdı.
Tawış birü il külämendä cirle waqıt belän 8.00 säğat’tä başlandı häm 17 säğat’tä tögällände.
Saylawda 14nçe maydağı berençe turda iñ küp tawış cıyğan “Cömhür ittifagı” kandidatı Räcäp Tayyip Ärdoğan belän “Millät ittifağı” kandidatı Kämal Kılıçdaroğlu yarıştı.
Ğamäldäge lider,”Ğadellek häm üseş” partiyäse ğomum başlığı Räcäp Tayyip Ärdoğan 52%tan artıq tawış cıydı, anıñ köndäşe, oppoziśiya kandidatı, “Cömhüriyät xalıq” partiyäse ğomum başlığı Kämal Kılıçdaroğluna isä 48%qa yaqın tawış birelde.
Üzäk Saylaw komissiyäse mäğ’lümatlarına qarağanda, saylawda qatnaşu däräcäse 85% täşkil itte.