Ärdoğannıñ ciñüen çit illärdä dä qotladılar

Çit illärdä yäşäwçe töreklär ilbaşı Räcäp Tayyip Ärdoğannıñ räsmi bulmağan näticälärgä qarağanda ilbaşı saylawınıñ ikençe turında uñışqa ireşüe uñayınnan uramnarğa çığıp ciñüne qotladılar.

Bel’giya başqalası Bryussel’neñ Şerbik rayonında küp sanda Türkiyä watandaşı Türkiyä bayraqları kütärep Ärdoğannı yaqlawçı şiğar’lär äyttelär.

Yözlägän azärbaycanlı häm bu ildäge Türkiyä grajdannarı Baqıdağı Türkiyä ilçelege yanındağı parkta cıyıldılar häm Ärdoğannı saylaw uñışları belän qotladılar.

Livan başqalası Bäyrutta da ike ayırım urında qotlawlar uzdı.

İlbaşı saylawınıñ ikençe turında Räcäp Tayyip Ärdoğannıñ ciñüen Şveśiya başqalası Stokgol’mda da söyenep qotladılar.

Germaniyädä yäşäwçe Türkiyä watandaşları da Berlinda qotlaw çaralarında qatnaştılar.

Katarnıñ Äl-Cabär manaraları Ärdoğannıñ fotoräseme häm Türkiyä bayrağı belän yaqtırdıldı.

Niderlandnıñ Rotterdam qalasındağı Xofpleyn mäydanına kilgän Türkiyä grajdannarı Ärdoğannı yaqlawçı şiğar’lär äyttelär.

Şundıy uq qotlaw çarası Şveyśariyäneñ Śyurix qalasında da uzdı.

Tön’yaq Kipr Törek Cömhüriyäte başqalasında Türkiyä bayraqları häm ilbaşı Räcäp Tayyip Ärdoğan fotoräsemnäre belän maşina konvoyları şähär turına çıqtı.

Amerika Quşma Ştatları, İtaliya, Franśiya, Angliya, Avstriya, Bosniya Gerśegovina, Serbiya, Kosovo, Çernogoriya, Tön’yaq Makedoniya, Albaniya, Paqıstan, Fälästin häm Aljirda da Ädoğannıñ saylawdağı ciñüen bilgeläp üttelär.