Akar: “Terrorçılıq belän köräş däwam itä”

Akar İstanbulda oyıştırılğan “Terrorçılıq belän köräş häm Süriyä” konferenśiyäsendä yasağan çığışında böyık häm köçle Türkiyä aldındağı iñ zur kirtälärneñ berse bulğan terrorçılıqqa qarşı köräşneñ täwäkkällek belän däwam itüen äytte.

Törek xärbiläreneñ Ğıyraq häm Süriyäneñ tön’yağında terrorçılarnıñ “kerelmäs” dip äytkän urınnarğa kerüen, "barıla alınmas” dip äytkän urınnarğa baruın citkerüçe Akar terrorçılarnı yuq itüne däwam itülären iskärtep uzdı.

Akar, iñ soñğı terrorçı täêsirsez xälgä kiterelgängä qadär terrorçılıq belän köräşneñ tuqtatılmayaçağına basım yasap: "Törek xärbiläre terrorçılarnı üzläre qazığan çoqırlarğa, mäğarälärgä kümärgä däwam itä. 2015nçe yılnıñ 24nçe iyülennän bügengä qadär 37 meñ 860 terrorçı täêsirsez xälgä kiterelde. (Süriyäneñ tön’yağındak) “Färat qalqanı” xäräkäte töbägendä tağın 6 terrorçı täêsirsez xälgä kiterelde,” – dip äytte.

Ğıyraqnıñ tön’yağındağı terror tämeklärenä qarşı başlatılğan “Pänçä” operaśiyäläreneñ zur qatğıylıq belän däwam itüenä basım yasawçı Akar Garada, Zapta, Hakurkta, Metinada, Avaşin Basiyanda terror oyalarınıñ ber-ber artlı yuq itelüen belderde.