İlbaşı Adıyamanda yäş’lär belän oçraştı
Ul biredä yasağan çığışında 6 nçı fevral’däge cir teträwlärdän soñ bu töbäktä buluların belderde
Türkiyä ilbaşı Räcäp Tayyip Ärdoğan kiçä Adıyamanda yäş’lär belän oçraştı.
Ul biredä yasağan çığışında 6 nçı fevral’däge cir teträwlärdän soñ bu töbäktä buluların äytte.
Ärdoğan Adıyamanda kitapxanä, ostaxanälär, sport mäydannarı häm sıynıf bülmäläre belän tormış mäktäbe buldırıluın, belem birü häm yärdäm kürsätü lagerınıñ balalar häm yäş’lärneñ belem aluına bulışuın häm alarnı tormışqa äzerläwen citkerde.
“Bez yäş’lärebezdän alğan ênergiya belän ilebezneñ kiläçägen töziyäçäk qıymmätlärne cir teträw töbägendäge şähärlärebezdä buldırabız. Bu qısada saqlanu sänäğate tarmağınıñ möhim citeşterü qorılmalarınıñ ber öleşen bu töbäkkä kiteräbez. Mäsälän Adıyamanda kabel’ häm totaştırğıç citeşterü qorılması tözibez, programma belän täêmin itü kampusı buldırabız”,- dide ilbaşı Räcäp Tayyip Ärdoğan.
