Türkiyä Däwlät başlığı ikençe turda bilgele bulaçaq
Yäkşämbe könne ütkärelgän Prezident saylawında kandidatlarnıñ berse dä citärlek tawış almağanı öçen saylawnıñ ikençe turı uzdırılaçaq
14nçe may yäkşämbe könne ütkärelgän İlbaşı häm 28nçe çaqırılış xalıq ışanıçlıları saylawlarında prezident namzätläreneñ berseneñ dä citärlek tawış ala almağanı öçen yarış ikençe turğa qaldı.
Yuğarı saylaw şurası başlığı Äxmät Yänär İlbaşı saylawında kandidatlarnıñ saylanu citärlelegenä ireşä almawın, 28nçe may yäkşämbe könne ikençe tur saylawnıñ uzdırıluı qararınıñ qabul itelüen belderde.
Yänär il külämendä saylaw ärcäläreneñ tulısınça açıluın, qatnaşu külämeneñ ildä 88,92%, çit ildä isä 52,69% buluın äytte.
Yänär töğayın bulmağan waqıtlı näticälärgä kürä, Räcäp Tayyip Ärdoğannıñ 49,51%, Kemal’ Qılıçdaroğlunıñ 44,88%, Sinan Oğannıñ 5,17%, Möxärräm İncäneñ 0,44% tawış aluın belderde.
Räsmi bulmağan näticälärgä kürä, parlament saylawında 99,86% sanalğan tawışlarnıñ büleneşe isä şuşı räweşle:
“Cömhür” ittifağı: 49,46%
“Ğadellek häm üseş” partiyası: 35,58%
“Millätçe xäräkät” partiyası: 10,07%
“Millät” ittifağı: 35,02%
“Cömhüriyät xalıq” partiyası: 25,33%
“Äybät” partiya: 9,69%
