“Bez Türkiyädä ber genä terrorçı da qaldırmayaçaqbız”

Türkiyä ilbaşı Räcäp Tayyip Ärdoğan İstanbul Sancaktäpädäge mitingta xalıqqa möräcäğat’ itte.

 Ul barlıq änilärne Änilär köne belän qotladı häm ğailäneñ izgelegenä ışanuların äytte.

İlbaşı üz çığışında Türkiyäneñ strategik töbäktä urnaşuına basım yasap, “Bez 3 qıytğanıñ üzägendä torğan il. Türkiyä - ênergiya resurslarınıñ tranzit marşrutında. Tarix däwamında küp suğış bez urnaşqan geografiyäne kontrol’dä totu öçen buldı. Bu niyät tarixtağı barlıq zur köräşlärdä bar ide” dide.

Ärdoğan terrorğa qarşı köräşkä dä tuqtaldı, ”PKK” terror oyışmasın çiklär êçendä yuqqa çığaru noqtasına kiterülären äytte.

“Bezneñ maqsat – Cömhüriyätebezneñ 100 yıllığı bilgeläp üteläçäk 2023 nçe yıl azağına çaqlı ildä ber genä terrorçı da qaldırmaw”,- dide ul. 

İlbaşı Türkiyä ğasırın tözegänçe tuqtamayaçaqların, armıy-talmıy êşläyäçäklären assızıqladı.