Vengriya tışqı säwdä ministrı Siyarto Änkarada
Sänäğät häm texnologiya ministrı Mostafa Varank Türkiyäneñ kapital salu ölkäsendä cälep itüçe üzäk buluın äytte
Mustafa Varank başqala Änkarada Vengriya (Macarstan) tışqı êşlär häm tışqı säwdä ministrı Peter Siyarto belän Vengriyanıñ Türkiyädäge berençe mediśina investiśiyäse bulğan “Medicor” investiśiya proyıktı açılış tantanasında qatnaştı.
Vengriya belän säwdä külämeneñ artuın citkerüçe Varank: "Vengriya xökümäte belän bez urnaştırğan şuşı yaqın xezmättäşlek näticäsendä 2001nçe yılda barı tik 356 million dollar bulğan säwdä külämebezne 10 märtäbä kübäytep 3,5 milliard dollardan arttırdıq. İllärebez öçen bez bilgelägän 6 milliard dollarlıq säwdä küläme maqsatına qısqa waqıtta ireşä alaçaqbız,” – dip äytte.
Türkiyäneñ üzenä cälep itüçe märkäz buluına, urnaşqan urını arqasında global’ bazarlarğa ciñel ireşü mömkinlege buluına basım yasawçı ministr Varank 21 yılda 250 milliard dollarlıq xalıqara turıdan-turı investiśiyanı cälep itä aluların belderde.
Ministr Varank, ““Medicor” investiśiya proyıktı Vengriyadağı citeşterüneñ ber öleşen ilebezgä küçerep, êşläp çığarğan êşlänmälärne Türkiyä belän ber rättän Urta Aziya, Yaqın Könçığış häm Afrika illärenä dä êksportlayaçaq,” – dide.
Vengriya ministrı Szijjarto da ileneñ sälamätlek saqlaw tarmağında häm mediśina cihazların êşläp çığaruda dönyanıñ iñ aldınğı illärennän berse buluın belderde.
Siyarto “BOTAŞ” Ütkärgeçlär belän neft’ qudıru akśionerlıq şirkäte belän Türkiyä tabiğıy gazın satıp alu öçen küreşülären dä bilgeläp uzdı.
Bäyläneşle xäbärlär
Terrorçılıqqa qarşı köräş däwam itä
Süriyäneñ tön’yağında 3 “PKK/YPG”le terrorçı täêsirsez xälgä kiterelde
