Çavuşoğlu Antaliyädä yäşäwçe çit il keşeläre belän oçraştı

Türkiyä tışqı êşlär ministrı Mäwlet Çavuşoğlu bıyıl berençe tapqır uzuçu “Antaliyädä yäşäwçe çit il keşeläreneñ ictimağıy oyışmaları konferenśiyäse”ndä qatnaştı. Anda dön’yanıñ här poçmağınnan 26 törle ictimağıy oyışmanıñ wäkilläre cıyılğan ide.

Çavuşoğlu çarada çığış yasap, Antaliyädä dus häm qardäş däwlätlärdän kilgän keşelärneñ xozur êçendä yäşäwen äytte. Ul Türkiyäneñ härwaqıt awır xäldä qaluçılarnıñ yanında buluın xäterlätep: “Bez gel yaxşılıq häm tınıçlıq yaqlı buluıbıznı kürsättek. Monıñ faydasın 6nçı fevral’däge cir teträwdä kürdek,”-dide. Ministr zilzilädän soñ ildä härkemneñ berlek kürsätüen, şul isäptän biredä yäşäwçe çit il keşeläreneñ dä çın küneldän yärdäm itüen söyläde. “Sezneñ oyışmalarığız da cir teträw töbäklärendäge qardäşlärebezgä yärdäm itü öçen barlıq köçen quydı. Barığızğa räxmät belderäm,”-dide ul.

Çavuşoğlu tışqı säyäsät nisbätennän Türkiyäneñ regiondağı häm global’ diplomatiyädäge urınına iğ’tibarnı cälep itte, totrıqlılıq häm tınıçlıq mäs’äläsendä alıp barılğan êşçänleklär xaqında mäğ’lümat birde. Ul dus häm qardäş däwlätlär belän xezmättäşlekneñ arttırıluınıñ ähämiyäten añlattı häm “Türkiyä ğasırı” maqsatında nıq toruların assızıqladı.  

Ministr qatnaşuçılarnıñ sorawların häm teläklären dä tıñladı.