Şäntop Türkiyäneñ aşlıq koridorı belän äsir almaşudağı öleşenä basım yasadı

Türkiyä Böyek Millät Mäclese başlığı Şäntop Çexiya başqalası Prahada oyıştırılğan Awrupa Berlege parlament başlıqları sammitında yasağan çığışında Türkiyäneñ Rusiyä-Ukraina suğışınıñ berençe könennän birle konstruktiv totışın kürsätep, ike yaqnı östälgä utırtu, qan qoyıluın tuqtatu yünäleşendä zur tırışlıqlar quyuına basım yasadı.

Bu tırışularnıñ uñışın aluların da citkerüçe Şäntop:

"Aşlıq koridorı kileşüe Türkiyäneñ yärdäme belän imzalandı, Türkiyä arqasında däwam itterelä. Äsir almaşuı kileşüe dä şulay uq Türkiyäneñ iniśiativaları belän ireşelgän möhim qazanış.

Türkiyä tınıçlıq söyläşüläre öçen tırışlığın, qannıñ qoyıluın tuqtatu öçen êşläwen däwam itteräçäk. Bezneñ tınıçlıq öçen şuşı ğayrätlärebez, tırışlıqlarıbız bulğan çaqta bu yuğarı däräcäle oçraşuda qabul iteläçäk beldergedä Türkiyäneñ barı tik aşlıq kileşü cähätennän telgä alınuı zur kimçelek,” – dip äytte.

Şäntop, Türkiyäneñ başqa tınıçlıq häm kileşü kereşülären kürmämeşkä salınuınıñ berlekneñ strategik vizionında, küzallawında köteklek buluınıñ dälile buluına basım yasap:

"Ukrainada yäşängännär bezgä şaqtıy mäs’älädä sabaq birä. Kiläçägebezne niçek itep proyıktlawıbız mäs’äläsendä bezgä yul kürsätä, barı tik iğ’tibarsız bulmıyq,” – dip bilgeläp uzdı.

Şul uq waqıtta Awrupa Berlegeneñ üzgärgän strategik tigezleklärgä cawap birä alu öçen yaña geostrategik perspektivanı üsterüneñ zarurlığına iğ’tibarnı yünältüçe Şäntop monıñ öçen berençe êtapta tağın da kiñ qolaçlı adımnar yasaluınıñ zarurlığın iskärtep uzdı.

Şäntop:

"Bu cähättän bigräk tä Awrupa Berlege illäreneñ häm qarar qabul itüçe mexanizmnarında buluçılarnıñ Awrupa Berlegeneñ kiñäyü säyäsäten küzdän kiçerüeneñ waqıtı citüen uylıym.

Yaña urtaqlıqlar turında süz barğan çaqta Awrupa Berlege kebek ber köçneñ qayber illärneñ kaprizlarına, uyınnarına, mäğ’näsez säyäsi häm dini alşartlarına äsir buluı qabul itelerlek wazğıyät tügel,” – dide.

Mostafa Şäntop, raśional’ kiñäyü säyäsäte xorafatlardan arınğan totış häm berlektäge qayber illär tarafınnan äsir itep alınmağan aqıllı kön tärtibe buluınıñ zarurlığın belderde.

Kiñäyü häm ikelätä standartlardan arınu mäs’äläseneñ Rusiyä-Ukraina suğışı belän dä yaqınnan bäyläneşle buluın belderüçe Şäntop:

"Äye, Awrupa Berlegen tözegän aqıl Awrupa Berlegen tınıçlıq proyıktı bularaq proyıktladı. Fäqät böten Awrupağa häm böten dönyağa xakim bulmağan tınıçlıqnıñ kemgä nindi faydası bula ala?

Awrupa Berlege 2008nçe yılda Gruziyanıñ duçar bulğan basıp aluına reakśiya kürsätmäwe, 2014nçe yılda Qırım yawlap alınğan çaqta totrıqlı häm aqıllı reakśiya yasamawı arqasında suğışnıñ bu êtapqa citüennän şuşı cähättän cawaplı,” – dip äytte.