Ministr Akar: “Däwlät häm millät bergä berdäm bulıp bu fäläqätne ciñäçäk”
Türkiyä Milli saqlanu ministrı Hulusi Akar 6nçı fevral’da barlıqqa kilgän cirteträwlärdän soñ däwlätneñ watandaşlarnıñ yanında buluın, millätneñ dä däwlät belän bergä buluın belderde
Ministr Akar kiçä başqala Änkaradağı Gazi ğaskär yortında yasağan çığışında Törek qorallı köçläreneñ dä cirteträwlärneñ berençe mizgelennän başlap mobilizaśiyälänep millätneñ yanına, yärdämenä aşığuın äytte.
Tarix buyı şaqtıy awırlıqnıñ yäşänüen xäterlätüçe Akar: "Bu awırlıqlarnı, allaga şöker, däräcäle räweştä xäl ittek. Däwlät häm millät qulğa-qul totınışıp, ber yodrıq, ber yöräk, bergä häm berdäm bulıp bu fäläqätne ciñäçäkbez, bolarnı da başqarıp çığaçaqbız,” – dide.
Cirteträwdän soñğı êşçänlek belän ber rättän törek xärbiläreneñ çik buyı iminlege belän Ğıyraqnıñ häm Süriyäneñ tön’yağında terrorçılıq belän köräşen däwam itüenä iğ’tibarnı yünältüçe Akar bolar belän bergä xaq-xoquqlarnı, qızıqsınularnı häm mänfäğätlärne saqlawğa qağılışlı ciröste, hawa häm diñgezlärdäge köräşneñ däwam itüenä basım yasadı.
