Çavuşoğlu belän Lavrovnıñ matbuğat oçraşuı

Rusiyä başqalası Mäskäwdä 3-4 aprel’dä Türkiyä, Rusiyä, Äsäd rejimı häm İran arasında tışqı êşlär ministrı urınbasarları däräcäsendä uzdırılğan dürt yaqlı cıyılışlarğa tuqtalıp uzuçı Çavuşoğlu bu cıyılışnı qabul itüe häm äzerlänüendäge ğayrätläre öçen wazıyfadaşı Lavrov belän Rusiyä tışqı êşlär ministrlığına räxmät äytte.

Tışqı êşlär ministrı Mäwlüt Çavuşoğlu Mäskäwdäge dürt yaqlı cıyılış belän bäyle bularaq:

"Mäskäwdä här il totışın häm qaraşların ütä kürenmäle räweştä häm açıqtan-açıq telgä aldı. Bu barışnıñ şuşındıy uq räweştä ütä kürenmäle häm açıq räweştä däwam itüeneñ zarurlığına ışanabız. Ber cıyılışta, ike cıyılışta böten mäs’älälärneñ xäl itelmäyäçägen beläbez, bez çınlıqçı (realist), ämma dialognıñ däwam itüe zarur häm kiñäşmälärneñ şuşındıy uq räweşle däwam itüe faydalı bulır,” – dip belderde.

Rusiyä tışqı êşlär ministrı Sergey Lavrov ta wazıyfadaşı Çavuşoğlu belän ike yaqlı häm xalıqara kön tärtibeneñ möhim temaların bäyäläwlären häm ike il mönäsäbätlärendäge näticälelekneñ liderlar arasındağı êçkersezlekkä bäyle buluına basım yasadı.

Lavrov: "Bügenge cıyılış waqıtında mönäsäbätlärebezdä lokomotiv bulğan proyıktlar turında süz alıp bardıq. Bigräk tä Aqqoyı atom êlektrostanśiyasınıñ tözelüen telgä aldıq. Bu stanśiyanıñ salınuı Türkiyäneñ ênergiya qurqınıçsızlığın nığıtaçaq. Şunı da äytergä telim: 27nçe aprel’dä stanśiyanıñ berençe blokına atom ênergiyasın qudıraçaqbız.

Türkiyädä gaz üzäge tözeläçäk. Rusiyä ênergiya çığanaqların dönya bazarına citkerü öçen üzäk tözibez. Uzğan yılda däwlät başlıqlarıbız, liderlarıbız şuşı gaz üzägeneñ buldırıluı belän bäyle qarar qabul itkän ide. Bu qararnıñ ni xätle döres bulğanın xäzer tağın da yaxşıraq añladıq,” - dip belderde.