Berençe Togg Ärdoğanğa tapşırıldı
Änkarada Togg avtomobilären ilbaşı Ärdoğan häm xatını Äminä xanımğa tapşıru tantanası uzdı
Türkiyäneñ cirle avtomobil’ markası Togg çığarğan ike berençe maşina ilbaşı Räcäp Tayyip Ärdoğan häm xatını Äminä Ärdoğanğa tapşırıldı. Monıñ öçen ilbaşı rezidenśiyäsendä tantana oyıştırıldı.
Ärdoğan çarada çığış yasap bolay dide: “Bügen millätebezneñ 60 yıllıq xıyalınıñ çınğa aşuına şahit bulabız”. Ul Toggnı barı Türkiyä tügel, dön’ya yullarında küzätäçägebezne äytte. “Tizlek disägez – tizlek, komfort disägez – komfort. Närsä kiräk bulsa, anıñ êçendä şul bar,”-dide ilbaşı.
Ärdoğan Azärbaycan liderı İlham Äliyevkä dä bügen başqala Baqıda Togg tapşırılaçağın, Üzbäkstanğa cibärü öçen dä êşçänlek däwam itüen belderde.
Toggta seriyäle citeşterü başlanğannan soñ çıqqan täwge maşinalarnı ilbaşı Ärdoğanğa tapşıru belän yıl axırına qadär 20 meñ avtomobil’ne qullanuçılarğa birü prośessı başlandı.