Ärdoğan Gerśog belän söyläşte

İlbaşı idaräseneñ êlemtä räislegennän yasalğan belderügä kürä, kiçä kiçen uzdırılğan söyläşüdä Türkiyä-İzrail mönäsäbätläre quzğatıldı.

Söyläşü waqıtında İzrail İlbaşı Gerśog ramazan ayı belän täbrik itte.

İlbaşı Ärdoğan da yähüdlärneñ aprel’ ayında ütkäräçäk Pesax bäyrämen qotladı. Cirteträw fäläqäte arqasında Türkiyä belän teläktäşlek kürsätkän İzrailğa räxmät äytüçe Ärdoğan ike yaqlı mönäsäbätlärne nığıtuğa qağılışlı qatğıylıqnı saqlap qaluların belderde.

Ramazan ayı yaqınlaşqan şuşı könnärdä Yordannıñ könbatış üzänlegendä artqan höcümnärdän bik borçıluın citkerüçe Ärdoğan Äl-Äq’sa mäçeteneñ tarixi statusına häm ruxına qarşı qotqı salularğa häm yanawlarğa yul quymawnıñ möhim buluın iskärtep uzdı.

Ärdoğan Gerśogqa tınıçlıqnı häm status-kvonı saqlap qaluda bügengä qadär kürsätkän tırışlıqları öçen dä räxmät belderde.