Yärdämnär kilep tora

Kahramanmaraşnıñ Pazarcık häm Elbistan rayonnarında barlıqqa kilgän häm 11 vilayät’ne teträtkän ike zur zilzilädän soñ xalıqara yärdämnär kilergä däwam itä.

Berläşkän Ğaräp Ämirlekläre afätlär arqasında Türkiyä häm Süriyägä 215 oçqıç belän yärdäm materialı cibärde.

Berläşkän Ğaräp Ämirlekläre Saqlanu ministrlığınıñ Tvitterdağı akkauntında yasalğan açıqlawda ilneñ däwlät başlığı Şäyex Möxämmäd bin Zayid Al Nahyan 7 fevral’dä birgän boyırıq belän Türkiyä häm Süriyädä cir teträwlärdä zıyan kürüçelärgä yärdäm kürsätü öçen başlatılğan “Yiğit Süvari 2” operaŝiyase xaqında mäğlümat birelde.

Operaŝiya qısalarında Türkiyä häm Süriyägä 215 oçqıç belän 5975 tonna gumanitar yärdämneñ ireşüe citkerelde.

Paqıstan xökümäte tarafınnan 50 meñ çatır cibärügä qarağan “maxsus oçış operaŝiyase” qısalarında cibärelgän 1200 çatır töyälgän berençe oçqıç Laxor şähärennän Adana aêroportına kilep citte.

Gumanitar yärdäm materialları oçqıçtan töşerelep, afättä zıyan kürgän töbäklärgä cibärelde.

Yaqınça 13 600 keşelek çatır taşuçı 3 köymäneñ dä Paqıstannan Türkiyägä yulğa çığuı häm bu ayda Mersingä kilep citäçäge öyränelde.