Ärdoğan: “Böten mömkinleklärne mobilizaśiyälädek”

Ärdoğan İlbaşı idaräse kabinet cıyılışınnan soñ yasağan belderüendä cömhüriyät tarixınıñ iñ küp ülemgä, cimerelügä, qayğığa yul açqan cirteträwlär häm annan soñğı iyärçen zilzilälär (afterşoklar) arqasında millätkä teläklären citkerde häm: "Cirteträwdä häläq bulğan 46 meñ 104 watandaşıbızğa Allahıdan yarlıqaw, tuğannarına sabırlıq telibez, qayğıların urtaqlaşabız,” – dip äytte.

Cirteträwneñ berençe mizgelennän başlap däwlät häm millät bularaq böten mömkinleklärne töbäkkä mobilizaśiyäläwlären belderüçe Ärdoğan konteyner şähärçeklärne tözi başlawların, 2 ayğa qadär 100 meñ konteyner urnaştırıp, yartı million cirteträwdän zıyan kürüçene tağın da yaxşıraq şartlarda qala alaçaq şuşı urınnarğa küçerüne maqsat itülären äytte.

Ärdoğan zilzilä töbägendä 405 meñe toraq häm 83 meñe awıl yortı buluı belän bergä tuplam 488 meñ yaña toraq salınıp, watandaşlarğa tapşırılaçağın belderde.

İlbaşı häm ğomum saylawlarnıñ 14nçe mayda uzdırılaçağın qabatlawçı Ärdoğan saylaw barışında da kön tärtipläreneñ şulay uq cirteträw bulaçağın iskärtep uzdı.

Ärdoğan 10nçı mart comğa könne qabul itäçäk saylaw qararınıñ annan soñğı könne “Räsmi Gazetä”dä basıluı belän barışnı başlataçaqların belderde.