“D-8”neñ Türkiyädäge cirteträwlär öçen urtaq beldergese
Üsep kilüçe sigez il (D-8) iq’tisadi xezmättäşlek oyışması äğ’zase illär 6nçı fevral’da barlıqqa kilgän häm meñnärçä keşe häläq bulğan Kahramanmaraş êpiśentrlı cirteträwlär öçen urtaq belderge bastırdı
Türkiyä, Nigeriya, Misır, Paqıstan, İndoneziya, İran, Malayziya häm Bangladeştan torğan D-8 äğ’zase illär cirteträwlärdä häläq buluçılar öçen qayğı belän urtaqlaştı häm yaralanuçılar öçen aşığıç şifalar teläde.
Urtaq beldergedä: "Bu awır waqıtta xezmättäşlegebezne kiñäyttek. Törek xalqınıñ teläktäşlegenä şahit bulğannan soñ Türkiyäneñ yaxşıru häm torğızu êtabına uñışlı räweştä uzaçağına ışanabız,” dip äytelep, D-8 äğ’za däwlätlärneñ Türkiyäneñ afät belän köräş häm yärdäm êşçänlegenä kürsätkän teläktäşlegenä basım yasaldı.
"Täêmin itelgän yärdämnärneñ täêsirlängän töbäklärdä aşığıç yärdämgä häm yañadan torğızıluğa öleş kertäçägenä ışanıç ta” citkerelgän beldergedä D-8 äğ’za däwlätlärneñ küpçelegendä tabiğıy afätlär yäşänüe isäpkä alınıp, D-8 afät belän köräş häm yärdäm mexanizmınıñ tözelüenä dä qağılışlı êşçänlekneñ qabul itelüe iskärtelep uzıldı.
Belderge 15nçe-16nçı fevral’dä İstanbulda oyıştırılğan 46nçı D-8 komissiyası cıyılışında törek xökümäte häm xalqı belän teläktäşlek kürsätü öçen basıldı.
