İlbaşı oçraşular häm söyläşülär ütkärä
Qayğı urtaqlaşular däwam itä
1947755
![İlbaşı oçraşular häm söyläşülär ütkärä](http://cdn.trt.net.tr/images/xlarge/rectangle/e44d/3031/f53f/63ef3d3b4a1f4.jpg?time=1718735451)
Türkiyä ilbaşı Räcäp Tayyip Ärdoğan Paqıstan prem’yer-ministrı Şahbaz Şärifne qabul itte.
İlbaşı idaräseneñ êlemtä bülege beldergänçä, oçraşu kiçä başqala Änkarada ilbaşı rezidenśiyäsendä matbuğatqa yabıq uzdı. Paqıstan prem’yer-ministrı Şärif Türkiyädäge cir teträwlär nisbätennän ilneñ qayğısın urtaqlaştı.
Şulay uq Fälästin däwlät başlığı Mäxmüd Abbas, İndoneziya däwlät başlığı Djoko Vidodo, Venesuêla däwlät başlığı Nikolas Maduro häm İspaniya prem’yer-ministrı Pedro Sançes Türkiyä ilbaşı Räcäp Tayyip Ärdoğanğa şaltıratıp qayğı urtaqlaştılar, yaralanğan keşelärneñ tiz arada sälamätlänülären telädelär.
Oçraşu häm söyläşülärdä liderlar Türkiyägä teläktäşlek häm yärdämgä äzer buluların belderdelär.